ლიზა თოფურია

ელისაბედ (ლიზა) თოფურია დაიბადა 1997 წლის 7 აპრილს თბილისში. იგი არის ოტორინოლარინგოლოგიის (ყელ-ყურ-ცხვირისა და თავ-კისრის ქირურგიის) უმცროსი ექიმი (რეზიდენტი), რომელსაც გერმანიასა და ამერიკის შეერთებულ შტატებში საერთაშორისო კლინიკური გამოცდილება აქვს მიღებული. ლიზა თოფურიამ 2023 წელს წარმატებით დაამთავრა თბილისის სახელმწიფო სამედიცინო უნივერსიტეტი და მიენიჭა დიპლომირებული მედიკოსის (MD) ხარისხი. 2023 წლიდან მან სწავლა გააგრძელა ოტორინოლარინგოლოგიის რეზიდენტურაში. პროფესიულ პრაქტიკას იგი „თოფურიას კლინიკაში“ უმცროსი ექიმის პოზიციაზე ეწევა, ხოლო 2025 წელს გაიარა სტიპენდიანტის/ ფელოუშიფის (Fellowship) პროგრამა გერმანიაში, რეგენსბურგის საუნივერსიტეტო კლინიკაში (University Hospital Regensburg). მანამდე, პროფესიული ცოდნის გაღრმავების მიზნით, იგი დამკვირვებლის (Observer) სტატუსით იმყოფებოდა წამყვან საერთაშორისო სამედიცინო ცენტრებში: 2019 და 2022 წლებში — რეგენსბურგის საუნივერსიტეტო კლინიკაში (გერმანია), ხოლო 2016 წელს — გრედის მემორიალურ ჰოსპიტალში (Grady Memorial Hospital, ატლანტა, აშშ). ექიმი ლიზა თოფურია აქტიურად არის ჩართული რინოლოგიაში, ენდოსკოპიურ სინუსთა ქირურგიაში (FESS), ოთოლოგიაში, შუბლის სინუსის ქირურგიასა და აკადემიურ კვლევებში. მისი პროფესიული უნარები მოიცავს ცხვირის ენდოსკოპიურ გამოკვლევას, ყელ-ყურ-ცხვირის დიაგნოსტიკურ პროცედურებს, აუდიოლოგიურ შეფასებას, კლინიკურ კვლევებსა და პაციენტების მართვას. იგი რეგულარულად მონაწილეობს საერთაშორისო კონგრესებსა და ქირურგიულ ტრენინგებში, მათ შორის: FESS-ის მე-7 საერთაშორისო პრაქტიკულ კურსში (ტიუბინგენი, გერმანია, 2025), IFOS დუბაის ENT მსოფლიო კონგრესში (2023), ენდოსკოპიური ყურის ქირურგიის მე-4 მსოფლიო კონგრესში (2022) და ვარშავის ENT ფორუმში (პოლონეთი, 2016).

რა არის კარგი ექიმი?
ვფიქრობ, პირველ რიგში, საჭიროა ღრმა ცოდნა, ადამიანების სიყვარული და მათი ტკივილის გაზიარების უნარი.

რატომ აირჩიეთ მედიცინა?
ვერ ვიტყვი, რომ ეს ერთი კონკრეტული მოვლენის შედეგი იყო - უდიდესი წვლილი მიუძღვის ჩემს ოჯახს, რადგან ექიმების გარემოში გავიზარდე.

ვინ არის თქვენი მისაბაძი?
დიახ, იდეალად შემიძლია დავასახელო ჩემი გერმანელი პროფესორი ტომას კუჰნელი და გრიშა თოფურია.

რჩევა მომავალ ექიმებს
არასდროს დაივიწყონ, თუ რატომ აირჩიეს ეს პროფესია. სწავლის პროცესი ექიმისთვის დიპლომის მიღებით არ მთავრდება. ზოგჯერ რთული დღეებიც იქნება, მაგრამ თითოეული პაციენტის მადლიერება ყოველთვის შეგახსენებთ, თუ რამდენად მნიშვნელოვანია თქვენი საქმე.

სამუშაო ადგილი

გაგუას კლინიკა