კესო გელენიძე

დაიბადა 1973 წლის 5 აპრილს ქალაქ ხონში. 1980–1990 წლებში მან სკოლა ოქროს მედალზე დაამთავრა. 1991– 1999 წლებში სწავლობდა თსსი-ში. 2005–2006 წლებში მოიპოვა სახელმწიფო სერტიფიკატი შინაგან სნეულებებში, 2006–2007 წლებში გაიარა „ჯეოჯეფის“ ულტრასონოგრაფიული კურსი სპეციალობით ექიმი-ექოსკოპისტი, ხოლო 2011–2012 წლებში — საოჯახო მედიცინის კურსი, რის შედეგადაც მიენიჭა ოჯახის ექიმის სპეციალობა. 2010 წელს ასევე გაირა — PHTLS-ის (Prehospital Trauma Life Support) პროგრამა. 2017 წელს — გადაუდებელი კარდიოლოგიური დახმარებისა და ტრავმული პაციენტის სტაბილიზაციის კურსი, ხოლო 2019 წელს — ტრავმული პაციენტის სტაბილიზაციისა და უსაფრთხო ტრანსპორტირების, აგრეთვე გადაუდებელი კარდიოვასკულური დახმარების კურსი. 2018 წელს იგი იყო საქართველოს ჰიპერტენზიის შემსწავლელი საზოგადოების სამეცნიერო ნაშრომის წევრი, დღემდე აქტიურად მონაწილეობს სხვადასხვა კლინიკური კარდიოლოგიის, რესპირაციული და კლინიკური პრაქტიკის სამეცნიერო კონფერენციებში. ასევე გახლავთ საქართველოს რესპირაციული ასოციაციისა და სამედიცინო განათლებისა და მტკიცებითი მედიცინის ასოციაციის წევრი. მისი შრომითი საქმიანობა 1995 წელს დაიწყო, როდესაც 1995–1999 წლებში მუშაობდა სასწრაფო სამედიცინო დახმარების სადგურში (009). 1999 წლიდან დღემდე, იგი არის ფოთის საგანგებო სიტუაციების კოორდინაციისა და გადაუდებელი დახმარების ცენტრის მორიგე ექიმი, ხოლო 2013 წლიდან ამავე ცენტრში იკავებს მენეჯერის პოზიციას. პარალელურად, 2004–2009 წლებში მუშაობდა სამკურნალო-დიაგნოსტიკურ ცენტრ „იკამედში“ ოჯახის ექიმად, 2009–2012 წლებში — „ლევანის სამედიცინო ცენტრ - ემერჯენსში“ მორიგე ექიმად და ექოსკოპისტად, ხოლო 2010–2014 წლებში იყო სადაზღვევო კომპანია „იმედი L“-ის ოჯახის ექიმი. 2013–2015 წლებში ეკავა „ევექსის“ ფოთის ამბულატორიის მენეჯერის პოსტი. 2016 წლიდან დღემდე არის სადაზღვევო კომპანია „არას“ ოჯახის ექიმი. 2016–2024 წლებში მუშაობდა სს „ლაზიკამედის“ ფოთის ოჯახის ექიმად და კლინიკურ მენეჯერად, ხოლო 2016 წლიდან დღემდე ამავე ორგანიზაციის კლინიკური მენეჯერია. 2025 წლიდან დღემდე კი იკავებს შპს „იკამედი“ ფოთის კლინიკური მენეჯერის პოზიციას.

რა არის კარგი ექიმი?
თუ ექიმმა პაციენტის ტკივილი და წუხილი არ გაიზიარა, ის ჭეშმარიტი ექიმი ვერ გახდება.

რატომ აირჩიეთ მედიცინა?
ალბათ ოთხი წლის ვიქნებოდი, ბებია ცუდად რომ გახდა. მის დახმარებას ყველა ცდილობდა: ზოგი წამალს ასმევდა, ზოგი ინექციას უკეთებდა - ყველა რაღაც ტიპის მონაწილეობას იღებდა, ჩემს გარდა. ვიდექი, დაბნეული და შეშინებული, ვუყურებდი დედაჩემის ცრემლებით სავსე თვალებს და გული მეკუმშებოდა. არ ვიცოდი, რა სტკიოდა ბებიას, რომელსაც ვერ ეხმარებოდნენ და ვხვდებოდი, რომ რაღაც ძალიან ცუდი ხდებოდა. მაშინდელმა ჩემმა უსუსურობამ გადამაწყვეტინა, ექიმი გავმხდარიყავი.

ვინ არის თქვენი მისაბაძი?
ჩემი იდეალი მამაჩემი იყო.

რჩევა მომავალ ექიმებს
მომავალი თაობა ჩვენზე გაცილებით ჭკვიანი და გონიერია.

განათლება

დაამთავრა. სწავლობდა თსსი-ში.

გამოცდილება

კესო გელენიძე დაიბადა 1973 წლის 5 აპრილს ქალაქ ხონში. 1980–1990 წლებში მან სკოლა ოქროს მედალზე დაამთავრა. 1991– 1999 წლებში სწავლობდა თსსი-ში. 2005–2006 წლებში მოიპოვა სახელმწიფო სერტიფიკატი შინაგან სნეულებებში, 2006–2007 წლებში გაიარა „ჯეოჯეფის“ ულტრასონოგრაფიული კურსი სპეციალობით ექიმი-ექოსკოპისტი, ხოლო 2011–2012 წლებში — საოჯახო მედიცინის კურსი, რის შედეგადაც მიენიჭა ოჯახის ექიმის სპეციალობა. 2010 წელს ასევე გაირა — PHTLS-ის (Prehospital Trauma Life Support) პროგრამა. 2017 წელს — გადაუდებელი კარდიოლოგიური დახმარებისა და ტრავმული პაციენტის სტაბილიზაციის კურსი, ხოლო 2019 წელს — ტრავმული პაციე