კესო არაბიძე

დაიბადა 1972 წლის 2 ივლისს ქალაქ ქუთაისში. განათლება მიიღო ქუთაისის აკაკი წერეთლის სახელობის მე-2 საშუალო სკოლაში, რომელიც 1989 წელს დაამთავრა ვერცხლის მედლით. 1990-1996 წლებში სწავლობდა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, ხოლო 1996-1998 წლებში გაიარა კლინიკური ორდინატურა - ექიმი ნეონატოლოგი. 2002 წელს წარმატებით ჩააბარა ექიმთა სალიცენზიო გამოცდა ნეონატოლოგიის სპეციალობაში. კესო არაბიძის პროფესიული კარიერა მრავალფეროვანია. 1998-2015 წლებში იგი მუშაობდა ქალაქ თბილისის შპს სამეანო-გინეკოლოგიურ კლინიკა „ბიბიდაში“ ნეონატოლოგად. პარალელურად, 2010-2012 წლებში მუშაობდა შპს „პედიატრში“. 2013-2021 წლებში იყო აკადემიკოს ზ. ცხაკაიას სახელობის დასავლეთ საქართველოს ინტერვენციული მედიცინის ეროვნული ცენტრის სამეანო ახალშობილთა განყოფილების ექიმი ნეონატოლოგი. 2015 წლიდან დღემდე მუშაობს დავით დავარაშვილის კლინიკაში ექიმ-ნეონატოლოგად, ასევე 2021 წლიდან დღემდე, დასაქმებულია დასავლეთ საქართველოს სამედიცინო ცენტრის სამეანო ახალშობილთა განყოფილებაში ექიმ ნეონატოლოგად. კესო არაბიძე აქტიურად მონაწილეობს სხვადასხვა კონფერენციასა და ტრენინგში ნეონატოლოგიისა და პედიატრიის მიმართულებით, რის გამოც ფლობს შესაბამის სერტიფიკატებს.

რა არის კარგი ექიმი?
უპირველესად, ექიმს სჭირდება თანაგრძნობა, პასუხისმგებლობის მაღალი გრძნობა და ადამიანების დახმარების გულწრფელი სურვილი. განსაკუთრებით ნეონატოლოგიაში, საჭიროა სითბო , სიყვარული და ის კომუნიკაცია, რომელიც ემსახურება ახალი სიცოცხლის დაბადებას.

რატომ აირჩიეთ მედიცინა?
მედიცინისკენ, ბავშვობიდან მქონდა განსაკუთრებული მიდრეკილება. პედიატრიის არჩევა, ბავშვების მიმართ სიყვარულმა განაპირობა. ჩემთვის ერთ-ერთი ყველაზე დიდი მოტივაციაა იმის განცდა, რომ ჩემი ცოდნით, პროფესიონალიზმითა და თავდადებული შრომით შემიძლია ახალი სიცოცხლის შენარჩუნებასა და გაგრძელებას შევუწყო ხელი.

ვინ არის თქვენი მისაბაძი?
ჩემთვის იდეალური ექიმი ერთი კონკრეტული ადამიანი არ არის. ვცდილობ, სხვადასხვა პროფესიონალი ექიმისგან ვისწავლო ის თვისებები, რომლებიც ჩემთვის მნიშვნელოვანია — ცოდნა, ადამიანურობა, პასუხისმგებლობა და პაციენტის სიყვარული. ვფიქრობ, ექიმი მთელი პროფესიული ცხოვრების განმავლობაში უნდა სწავლობდეს და მუდმივად ცდილობდეს საკუთარი თავის გაუმჯობესებას.

რჩევა მომავალ ექიმებს
ვეტყოდი, რომ მედიცინა მხოლოდ პროფესია არ არის — ეს დიდი პასუხისმგებლობაა და ადამიანებისადმი სამსახურის შესაძლებლობა. ისწავლეთ ბევრი, არასდროს შეწყვიტოთ განვითარება, შეინარჩუნეთ ადამიანურობა, იყავით გულისხმიერები და გიყვარდეთ ის საქმე, რომელსაც ემსახურებით. ცოდნა შეიძლება წიგნებიდან მიიღოთ, მაგრამ კარგი ექიმობა ყოველდღიური გამოცდილებით, პასუხისმგებლობითა და ადამიანების სიყვარულით მიიღწევა.

განათლება

დაამთავრა ვერცხლის მედლით. სწავლობდა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, ხოლო 1996-1998 წლებში გაიარა კლინიკური ორდინატურა - ექიმი ნეონატოლოგი.

გამოცდილება

კესო არაბიძე დაიბადა 1972 წლის 2 ივლისს ქალაქ ქუთაისში. განათლება მიიღო ქუთაისის აკაკი წერეთლის სახელობის მე-2 საშუალო სკოლაში, რომელიც 1989 წელს დაამთავრა ვერცხლის მედლით. 1990-1996 წლებში სწავლობდა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, ხოლო 1996-1998 წლებში გაიარა კლინიკური ორდინატურა - ექიმი ნეონატოლოგი. 2002 წელს წარმატებით ჩააბარა ექიმთა სალიცენზიო გამოცდა ნეონატოლოგიის სპეციალობაში. კესო არაბიძის პროფესიული კარიერა მრავალფეროვანია. 1998-2015 წლებში იგი მუშაობდა ქალაქ თბილისის შპს სამეანო-გინეკოლოგიურ კლინიკა „ბიბიდაში“ ნეონატოლოგად. პარალელურად, 2010-2012 წლ

სამუშაო ადგილი

თოდუას კლინიკა