ირინა მამამთავრიშვილი

დაიბადა 1966 წლის 26 მარტს. მან წარმატებით დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი და შეისწავლა მეან-გინეკოლოგის სპეციალობა. პროფესიული პრაქტიკული საქმიანობა 1994– 1995 წლებში ლაგოდეხის სამშობიარო სახლში ინტერნატურის გავლით დაიწყო. 1995 წლიდან აქტიურად ჩაერთო საექიმო საქმიანობაში და წლების განმავლობაში მუშაობდა სხვადასხვა სამედიცინო დაწესებულებაში: 1995–1998 წლებში ექიმ მეან-გინეკოლოგად იყო დასაქმებული სოფელ აფენისა და სოფელ ვარდისუბნის საექიმო ამბულატორიებში, 1998 წლიდან 2011 წლამდე საექიმო პრაქტიკას ეწეოდა სოფელ უზუნთალის საექიმო ამბულატორიაში, 2002–2011 წლებში ასევე მუშაობდა სოფელ თამარიანის ასოციაცია „გენეზისის“ ჰუმანიტარული ჯანდაცვის ცენტრის კოორდინატორად. 2011 წლის თებერვლიდან კი საქმიანობა განაგრძო ქალაქ ლაგოდეხის ქალთა კონსულტაციის ექიმ მეან- გინეკოლოგად. 1999 წელს მან გაიარა კვალიფიკაციის ასამაღლებელი კურსები თბილისის სახელმწიფო სამედიცინო აკადემიაში მეან-გინეკოლოგიის მიმართულებით. 2003 წელს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ მიენიჭა სახელმწიფო სერტიფიკატი ნებადართული სპეციალობით — მეან-გინეკოლოგი. მან ასევე წარმატებით გაიარა უწყვეტი სამედიცინო განათლების არაერთი მნიშვნელოვანი კურსი და პროგრამა, მათ შორის: რეპროდუქტოლოგიის, კონტრაცეფციის მეთოდების, ანტე და პოსტნატალური მეთვალყურეობის, ასევე პირველადი ჯანდაცვის სექტორის მენეჯმენტის მიმართულებით. 2020 წელს მონაწილეობა მიიღო ორგანიზაცია „Gynuity Health Projects“-ის მიერ თელავში გამართულ სპეციალიზებულ სამედიცინო ტრენინგში.

რა არის კარგი ექიმი?
კარგი ექიმი უნდა აერთიანებდეს ცოდნასა და ადამიანურობას.

რატომ აირჩიეთ მედიცინა?
ექიმობა ბავშვობიდან მიტაცებდა. ბებია სოფლის ექიმბაში იყო და ყოველ ზაფხულს როდესაც ჩავდიოდი მასთან, დიდი ინტერესით ვაკვირდებოდი მის საქმიანობას და მეც დიდი ენთუზიაზმით ვიყავი ჩართული.

ვინ არის თქვენი მისაბაძი?
სტუდენტობის პერიოდში ძალიან გამიმართლა. მყავდა ძალიან კარგი და პროფესიონალი ლექტორები. მათი პროფესიონალიზმით ვიყავი აღფრთოვანებული.

რჩევა მომავალ ექიმებს
ვეტყოდი რომ მხოლოდ პროფესიული ცოდნა არ არის საკმარისი. პირველ რიგში უნდა გიყვარდეს ადამიანები და ემპათიით იყო მათ მიმართ განწყობილი. აგრეთვე, ექიმობა მუდმივად განვითარებადი პროფესიაა და არ უნდა გეშინოდეს სიაახლეების.

გამოცდილება

ირინა მამამთავრიშვილი დაიბადა 1966 წლის 26 მარტს. მან წარმატებით დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი და შეისწავლა მეან-გინეკოლოგის სპეციალობა. პროფესიული პრაქტიკული საქმიანობა 1994– 1995 წლებში ლაგოდეხის სამშობიარო სახლში ინტერნატურის გავლით დაიწყო. 1995 წლიდან აქტიურად ჩაერთო საექიმო საქმიანობაში და წლების განმავლობაში მუშაობდა სხვადასხვა სამედიცინო დაწესებულებაში: 1995–1998 წლებში ექიმ მეან-გინეკოლოგად იყო დასაქმებული სოფელ აფენისა და სოფელ ვარდისუბნის საექიმო ამბულატორიებში, 1998 წლიდან 2011 წლამდე საექიმო პრაქტიკას ეწეოდა სოფელ უზუნთალის საექიმო ამბუ

სამუშაო ადგილი

ნიუ ჰოსპიტალსი