თეონა ხმალაძე

დაიბადა 1986 წლის 21 ივნისს, ქალაქ ბათუმში. 2004 წელს ჩაირიცხა შოთა რუსთაველის სახელობის სახელმწიფო უნივერსიტეტის სამკურნალო ფაკულტეტზე, რომელიც დაასრულა 2010 წელს და მიენიჭა ექიმის კვალიფიკაცია. 2011– 2013 წლებში ამავე უნივერსიტეტში გაიარა რეზიდენტურა რადიოლოგიის სპეციალობით. რეზიდენტურის დასრულების შემდეგ, პროფესიული საქმიანობა განაგრძო სხვადასხვა სამედიცინო დაწესებულებაში, სადაც შეიძინა მნიშვნელოვანი პრაქტიკული გამოცდილება რადიოლოგიისა და ულტრაბგერითი დიაგნოსტიკის სფეროში. 2013 წლიდან დღემდე ბათუმის საერთაშორისო საუნივერსიტეტო კლინიკა BAU-ში მუშაობს ექიმ-რადიოლოგის პოზიციაზე. მისი პროფესიული საქმიანობის ძირითადი მიმართულებაა პრენატალური დიაგნოსტიკა და მეანობა-გინეკოლოგიური ულტრასონოგრაფია. მრავალწლიანი პრაქტიკული გამოცდილების განმავლობაში, განსაკუთრებულ ყურადღებას უთმობს ნაყოფის განვითარების შეფასებას, თანდაყოლილი ანომალიების ადრეულ გამოვლენასა და თანამედროვე საერთაშორისო სტანდარტების შესაბამისად, ულტრაბგერითი კვლევებს. ის გახლავთ მეანობა-გინეკოლოგიაში ულტრაბგერითი კვლევების საერთაშორისო საზოგადოების (ISUOG – International Society of Ultrasound in Obstetrics and Gynecology)~ წევრი და პროფესიული განვითარების მიზნით, რეგულარულად ესწრება საერთაშორისო სამეცნიერო ღონისძიებებსა და სასწავლო პროგრამებს, რაც ხელს უწყობს თანამედროვე დიაგნოსტიკური მეთოდები პრაქტიკაში დანერგოს. გამოირჩევა მაღალი პროფესიული პასუხისმგებლობით, ეთიკური პრინციპებისადმი ერთგულებითა და უწყვეტი პროფესიული განვითარებისადმი სწრაფვით. მისი საქმიანობის მთავარი მიზანია, პრენატალური დიაგნოსტიკის სფეროში მაღალი ხარისხის, ზუსტი და თანამედროვე სტანდარტებზე დაფუძნებული სამედიცინო მომსახურების უზრუნველყოფა.

რა არის კარგი ექიმი?
ჩემი აზრით, კარგი ექიმი მხოლოდ ცოდნით არ განისაზღვრება. რა თქმა უნდა, აუცილებელია პროფესიონალიზმი, მუდმივი სწავლა, პასუხისმგებლობის მაღალი გრძნობა და დეტალებისადმი ყურადღება.

რატომ აირჩიეთ მედიცინა?
ჩემი პროფესიული არჩევანისა და განვითარების მთავარი ინსპირაციის წყარო მამაჩემი იყო. მისმა პროფესიულმა ეთიკამ, საქმისადმი ერთგულებამ, მაღალი პასუხისმგებლობის გრძნობამ და პაციენტების მიმართ ჰუმანურმა დამოკიდებულებამ.

ვინ არის თქვენი მისაბაძი?
დიახ, რა თქმა უნდა. ჩემი ყველაზე დიდი პროფესიული იდეალი მამაჩემია.

რჩევა მომავალ ექიმებს
გახსოვდეთ, რომ თითოეული პაციენტის უკან დგას ადამიანი, რომელსაც თქვენი პროფესიონალიზმის გარდა, მხარდაჭერა და იმედი სჭირდება.

განათლება

ჩაირიცხა შოთა რუსთაველის სახელობის სახელმწიფო უნივერსიტეტის სამკურნალო ფაკულტეტზე, რომელიც დაასრულა 2010 წელს და მიენიჭა ექიმის კვალიფიკაცია. გაიარა რეზიდენტურა რადიოლოგიის სპეციალობით.

გამოცდილება

თეონა ხმალაძე დაიბადა 1986 წლის 21 ივნისს, ქალაქ ბათუმში. 2004 წელს ჩაირიცხა შოთა რუსთაველის სახელობის სახელმწიფო უნივერსიტეტის სამკურნალო ფაკულტეტზე, რომელიც დაასრულა 2010 წელს და მიენიჭა ექიმის კვალიფიკაცია. 2011– 2013 წლებში ამავე უნივერსიტეტში გაიარა რეზიდენტურა რადიოლოგიის სპეციალობით. რეზიდენტურის დასრულების შემდეგ, პროფესიული საქმიანობა განაგრძო სხვადასხვა სამედიცინო დაწესებულებაში, სადაც შეიძინა მნიშვნელოვანი პრაქტიკული გამოცდილება რადიოლოგიისა და ულტრაბგერითი დიაგნოსტიკის სფეროში. 2013 წლიდან დღემდე ბათუმის საერთაშორისო საუნივერსიტეტო კლინიკა BAU-ში მუშაობს ექიმ-რადიოლოგის პოზიციაზე.

სამუშაო ადგილი

ღია გული / მე-5 კლინიკური საავადმყოფო