თამარ ილურიძე

დაიბადა ქალაქ გორში, 1960 წლის 23 იანვარს. 1967 წელს სწავლა დაიწყო გორის N10 საჯარო სკოლაში, რომელიც წარმატებით დაამთავრა 1977 წელს. იმავე წელს ჩაირიცხა თბილისის სახელმწიფო სამედიცინო ინსტიტუტის პედიატრიის ფაკულტეტზე. 1983 წელს თამარ ილურიძემ წარჩინებით დაამთავრა სამედიცინო ინსტიტუტი. 1984– 1986 წლებში მან გაიარა კლინიკური ორდინატურის სრული კურსი პედიატრიის სამეცნიერო-კვლევით ინსტიტუტში, რის შემდეგაც, 1986 წლიდან, საქმიანობა დაიწყო გორის სამშობიარო სახლში ნეონატოლოგის პოზიციაზე. 2009 წელს, მას შემდეგ რაც გორის სამშობიარო სახლი და ბავშვთა საავადმყოფო გაერთიანდა დედათა და ბავშვთა ცენტრ „იავნანად“, მან პროფესიული საქმიანობა ამავე გაერთიანებულ ცენტრში განაგრძო, სადაც 2017 წლამდე იმუშავა. 2017 წლიდან დღემდე თამარ ილურიძე საქმიანობს ქალაქ გორში, ქ. გოგიაშვილის კლინიკაში, სადაც იგი საპასუხისმგებლო პოზიციაზეა და ხელმძღვანელობს ნეონატოლოგიურ მიმართულებას.

რა არის კარგი ექიმი?
იმისათვის, რომ ნამდვილი, გულისხმიერი და პროფესიონალი ექიმი გახდე, პირველ რიგში, ადამიანების უსაზღვრო სიყვარული და დიდი მოთმინებაა საჭირო. ამასთან ერთად, ეს პროფესია მუდმივ შრომასა და დაუღალავ სწავლას მოითხოვს, სწავლას, რომელიც მთელი ცხოვრების განმავლობაში არასოდეს სრულდება.

რატომ აირჩიეთ მედიცინა?
სიმართლე გითხრათ, როდესაც პროფესიას ვირჩევდი, ჯერ კიდევ ძალიან ახალგაზრდა ვიყავი და ბოლომდე გაცნობიერებული არ მქონდა, თუ რა მინდოდა რეალურად. მამის ძალიან დიდი სურვილი იყო, რომ ექიმი გავმხდარიყავი. მეც ვენდე მის რჩევას, დავუჯერე და დღეს დარწმუნებით შემიძლია ვთქვა, რომ არც ერთი წამით არ შევმცდარვარ. ჩემი პროფესია მთელი გულით მიყვარს.

ვინ არის თქვენი მისაბაძი?
კონკრეტული იდეალი, ვისაც ვბაძავ, არ მყავს. ჩემთვის მთავარი სახელმძღვანელო პრინციპი ის არის, რომ მედიცინა მუდმივად ვითარდება და წინ მიდის. ამიტომ, კარგი ექიმის იდეალი ჩემთვის არის ის, ვინც არასდროს ჩერდება და ყოველდღიურად განაგრძობს ახლის სწავლას, რათა ფეხი აუწყოს სამედიცინო სფეროს სიახლეებს.

რჩევა მომავალ ექიმებს
მომავალ კოლეგებს ვეტყოდი უმთავრესს: პირველ რიგში, მთელი გულით გიყვარდეთ თქვენი პაციენტები. თითოეულ მათგანს ისე მოექეცით, როგორც საკუთარ ახალშობილს. თუ გულში ეს სიყვარული და თანაგრძნობა არ გექნებათ, მხოლოდ მშრალი ცოდნით კარგი ექიმი ვერასოდეს გახდებით.

განათლება

დაამთავრა 1977 წელს. ჩაირიცხა თბილისის სახელმწიფო სამედიცინო ინსტიტუტის პედიატრიის ფაკულტეტზე. დაამთავრა სამედიცინო ინსტიტუტი. გაიარა კლინიკური ორდინატურის სრული კურსი პედიატრიის სამეცნიერო-კვლევით ინსტიტუტში, რის შემდეგაც, 1986 წლიდან, საქმიანობა დაიწყო გორის სამშობიარო სახლში ნეონატოლოგის პოზიციაზე.

გამოცდილება

თამარ ილურიძე დაიბადა ქალაქ გორში, 1960 წლის 23 იანვარს. 1967 წელს სწავლა დაიწყო გორის N10 საჯარო სკოლაში, რომელიც წარმატებით დაამთავრა 1977 წელს. იმავე წელს ჩაირიცხა თბილისის სახელმწიფო სამედიცინო ინსტიტუტის პედიატრიის ფაკულტეტზე. 1983 წელს თამარ ილურიძემ წარჩინებით დაამთავრა სამედიცინო ინსტიტუტი. 1984– 1986 წლებში მან გაიარა კლინიკური ორდინატურის სრული კურსი პედიატრიის სამეცნიერო-კვლევით ინსტიტუტში, რის შემდეგაც, 1986 წლიდან, საქმიანობა დაიწყო გორის სამშობიარო სახლში ნეონატოლოგის პოზიციაზე. 2009 წელს, მას შემდეგ რაც გორის სამშობიარო სახლი და ბავშვთა საავადმყოფო გაერთიანდა დედათა და ბავშვთა ც

სამუშაო ადგილი

გოთუას სამედიცინო ცენტრი