ეკატერინე ბაღუაშვილი

დაიბადა 1970 წლის 25 ნოემბერს ქალაქ თელავში. მან 1987 წელს ოქროს მედლზე დაამთავრა თელავის პირველი საშუალო სკოლა, ხოლო 1994 წელს — თბილისის სახელმწიფო სამედიცინო უნივერსიტეტი წარჩინებით (წითელი დიპლომით). 1994–1995 წლებში გაიარა დიპლომისშემდგომი ინტერნატურა ზოგად მედიცინაში. სხვადასხვა დროს მოპოვებული აქვს სახელმწიფო ლიცენზიები კარდიოლოგიაში (2001 წ.), საზოგადოებრივ ჯანდაცვასა და ორგანიზაციაში (2001 წ.), შინაგან მედიცინასა (2003 წ.) და გადაუდებელ მედიცინაში (2021 წ.). მისი მრავალწლიანი საექიმო პრაქტიკა მჭიდროდ არის დაკავშირებული კახეთის რეგიონთან. 1995 წლიდან მოყოლებული მუშაობდა სასწრაფო დახმარების ექიმად სამედიცინო კომპანია „სალბუნსა“ და თელავის გადაუდებელი დახმარების ცენტრში. პარალელურად, 1998–2002 წლებში იკავებდა კახეთის რეგიონის ჯანდაცვის ფონდის დირექტორის მოადგილის პოზიციას. 2000 წლიდან დღემდე აგრძელებს აქტიურ კარდიოლოგიურ პრაქტიკას რეგიონის წამყვან კლინიკებში; ამჟამად არის თელავის რაიონული საავადმყოფოს, შპს „ყამბარაშვილის კლინიკისა“ და სს „საქართველოს კლინიკების“ თელავის ფილიალის ექიმი-კარდიოლოგი. 2004 წელს თანამშრომლობდა ორგანიზაციასთან MSF France („ექიმები უსაზღვროდ“ საფრანგეთის სექცია), როგორც სამედიცინო თარჯიმანი. მას გავლილი აქვს არაერთი დიპლომისშემდგომი სპეციალიზაციის კურსი, მათ შორის მუცლის ღრუს ექოსკოპიის, ფუნქციური დიაგნოსტიკისა და გადაუდებელი სამედიცინო დახმარების მიმართულებით (მათ შორის ისრაელის Magen David Adom-ის ეგიდით). განსაკუთრებული ყურადღება დაუთმო ტრანსთორაკალური ექოკარდიოგრაფიის შესწავლას კარდიოლოგიურ კლინიკა „გულსა“ და პროფესორ ერბელის შავი ზღვის ექოკარდიოგრაფიის სკოლაში. კლინიკურ პრაქტიკასთან ერთად, 2017–2018 წლებში ჩართული იყო ფარმაცევტული კომპანიების (Kowa და Pfizer) მიერ ორგანიზებულ საერთაშორისო მულტიცენტრულ კლინიკურ კვლევებში კვლევის ასისტენტისა და სუბ-ინვესტიგატორის სტატუსით. ჰყავს მეუღლე და ერთი ვაჟი.

რა არის კარგი ექიმი?
ადამიანების სიყვარული, ემპათიის უნარი, პასუხისმგებლობის უდიდესი გრძნობა, შრომისმოყვარეობა, სიახლეებისა და სწავლისადმი მუდმივი სწრაფვა.

რატომ აირჩიეთ მედიცინა?
ბავშვობაში (ასაკი ზუსტად არ მახსოვს) ძალიან სიმპათიურ და თბილ ექიმთან მოვხვდი. სწორედ მაშინ გადავწყვიტე, რომ მეც ექიმი გავმხდარიყავი.

ვინ არის თქვენი მისაბაძი?
მიბაძვით, სიმართლე გითხრათ, არავის ვბაძავ, მაგრამ ყოველთვის აღფრთოვანებული ვიყავი გენიალური ქალბატონით - გულიკო ჩაფიძით.

რჩევა მომავალ ექიმებს
უყვარდეთ ადამიანები, საკუთარი პროფესია, ისწავლონ და განვითარდნენ მუდმივად. ჩვენს პროფესიაში სწავლა მუდმივი პროცესია.

განათლება

დაამთავრა თელავის პირველი საშუალო სკოლა, ხოლო 1994 წელს — თბილისის სახელმწიფო სამედიცინო უნივერსიტეტი წარჩინებით (წითელი დიპლომით). გაიარა დიპლომისშემდგომი ინტერნატურა ზოგად მედიცინაში.

გამოცდილება

ეკატერინე ბაღუაშვილი დაიბადა 1970 წლის 25 ნოემბერს ქალაქ თელავში. მან 1987 წელს ოქროს მედლზე დაამთავრა თელავის პირველი საშუალო სკოლა, ხოლო 1994 წელს — თბილისის სახელმწიფო სამედიცინო უნივერსიტეტი წარჩინებით (წითელი დიპლომით). 1994–1995 წლებში გაიარა დიპლომისშემდგომი ინტერნატურა ზოგად მედიცინაში. სხვადასხვა დროს მოპოვებული აქვს სახელმწიფო ლიცენზიები კარდიოლოგიაში (2001 წ.), საზოგადოებრივ ჯანდაცვასა და ორგანიზაციაში (2001 წ.), შინაგან მედიცინასა (2003 წ.) და გადაუდებელ მედიცინაში (2021 წ.). მისი მრავალწლიანი საექიმო პრაქტიკა მჭიდროდ არის დაკავშირებული კახეთის რეგიონთან. 1995 წლიდან მოყოლებული მუშ