ეთერ ცხადაძე

დაიბადა 1955 წლის 2 თებერვალს გურჯაანის რაიონის სოფელ ახაშენში. დაამთავრა ახაშნის საშუალო სკოლა, რის შემდეგაც, 1974 წელს, ჩაირიცხა თბილისის სახელმწიფო სამედიცინო ინსტიტუტის სამკურნალო ფაკულტეტზე. ინსტიტუტის დამთავრების შემდეგ, 1981 წელს, განაწილებით მუშაობა დაიწყო ბორჯომში, სოფელ ტაძრისის საექიმო ამბულატორიაში. 1982 წლიდან სამუშაოდ გადავიდა საგარეჯოს რაიონის სოფელ ყანდაურას საექიმო ამბულატორიაში, ხოლო 1987 წლიდან საქმიანობა განაგრძო სოფელ ბადიაურის საექიმო ამბულატორიაში, სადაც იკავებდა ამბულატორიის გამგე ექიმის პოზიციას. 2005 წლიდან დღემდე არის ოჯახის ექიმი. ჰყავს მეუღლე და სამი შვილი.

რა არის კარგი ექიმი?
ექიმობა ძალიან რთული და საპასუხისმგებლო საქმეა. ადამიანი, რომ გახდეს გულისხმიერი, პროფესიონალი ექიმი, პირველ რიგში, უნდა უყვარდეს თავისი პროფესია, უნდა უყვარდეს პაციენტი, მისი ჯანმრთელობისთვის არ დაზოგოს თავისი ცოდნა, გამოცდილება, დრო და ენერგია. უნდა იყოს თბილი, ყურადღებიანი, შეეძლოს პაციენტის დამშვიდება.

რატომ აირჩიეთ მედიცინა?
მე ბავშვობაში მაწუხებდა მუხლების ტკივილი. პედიატრი, რომელიც მმკურნალობდა, იყო ძალიან თბილი, ალერსიანი , მშვიდი, ღიმილიანი. მასთან ვიზიტი მიხაროდა. მკურნალობაც გამოჯანმრთელებით დამთავრდა. ამით მივიღე გადაწყვეტილება, რომ გავმხდარიყავი ექიმი. ძალიან მიყვარს ჩემი პროფესია, დიდ სიხარულს მანიჭებს პაციენტის მადლიერება.

ვინ არის თქვენი მისაბაძი?
იდეალი, რომელსაც ვბაძავ არ მყავს, თუმცა მაგალითები და გამოცდილებები კოლეგებისგან შემიძლია გავიზიარო.

რჩევა მომავალ ექიმებს
მომავალ ექიმებს ვეტყვი, რომ უყვარდეთ თავიათი საქმე, მუდამ ზრუნავდნენ პროფესიულ განვითარებაზე, პაციენტთან იყვნენ ყურადღებიანები, თავდაჯერებულები.

გამოცდილება

ეთერ ცხადაძე დაიბადა 1955 წლის 2 თებერვალს გურჯაანის რაიონის სოფელ ახაშენში. დაამთავრა ახაშნის საშუალო სკოლა, რის შემდეგაც, 1974 წელს, ჩაირიცხა თბილისის სახელმწიფო სამედიცინო ინსტიტუტის სამკურნალო ფაკულტეტზე. ინსტიტუტის დამთავრების შემდეგ, 1981 წელს, განაწილებით მუშაობა დაიწყო ბორჯომში, სოფელ ტაძრისის საექიმო ამბულატორიაში. 1982 წლიდან სამუშაოდ გადავიდა საგარეჯოს რაიონის სოფელ ყანდაურას საექიმო ამბულატორიაში, ხოლო 1987 წლიდან საქმიანობა განაგრძო სოფელ ბადიაურის საექიმო ამბულატორიაში, სადაც იკავებდა ამბულატორიის გამგე ექიმის პოზიციას. 2005 წლიდან დღემდე არის ოჯახის ექიმი. ჰყავს მეუღლე და სამი შ

სამუშაო ადგილი

ღია გული / მე-5 კლინიკური საავადმყოფო