ანულია ტატიაშვილი

დაიბადა 1960 წელს სოფელ ველისციხეში. 1966 წელს სწავლა დაიწყო სოფელ ველისციხის საშუალო სკოლაში. სკოლის წარმატებით დასრულების შემდეგ, 1976 წელს ჩაირიცხა ქ. თბილისის სახელმწიფო სამედიცინო ინსტიტუტში (სამკურნალო ფაკულტეტზე), რომელიც დაამთავრა 1984 წელს. ინტერნატურის გავლის შემდეგ, 1984 წლიდან მან პროფესიული საქმიანობა დაიწყო მუკუზნის, ჭანდრისა და ჩუმლაყის სოფლის ექიმად. 1989 წელს დაინიშნა სასწრაფო სამედიცინო დახმარების სამსახურის განყოფილების გამგედ. სამი წლის შემდეგ გადავიდა ამავე განყოფილების მორიგე ექიმად, ხოლო პარალელურად მუშაობა დაიწყო შპს „ჰიპოკრატეში“ თერაპევტის პოზიციაზე. 1998 წელს გაიარა სპეციალიზაცია ნევროლოგიაში, ხოლო 1999–2000 წლებში წარმატებით ჩააბარა სახელმწიფო გამოცდები თერაპიასა და ნევროლოგიაში, რის საფუძველზეც მოიპოვა შესაბამისი სახელმწიფო სერტიფიკატები. ის ხანგრძლივი პერიოდის განმავლობაში ნაყოფიერად საქმიანობდა შპს „ჰიპოკრატეში“ თერაპევტისა და ნევროლოგის პოზიციებზე. 2016 წელს, საქართველოში სსდს სამსახურის 7 საუკეთესო ექიმს შორის წარდგენისათვის, ანულია ტატიაშვილს გადაეცა საპატიო სიგელი და ფულადი პრემია. 2016 წლიდან მან მუშაობა განაგრძო ქ. თელავის რეფერალურ ჰოსპიტალში — ნეირო-ინტენსიურ განყოფილებაში, ნევროლოგის პოზიციაზე. 2017 წელს ის დაინიშნა დროებით საგანგებო სიტუაციების კოორდინაციისა და გადაუდებელი დახმარების ცენტრის თელავის ფილიალში. COVID-19 პანდემიის პერიოდში, პარალელურ რეჟიმში, აქტიურად შრომობდა თელავის რეფერალური ჰოსპიტლის კოვიდოლოგიის დეპარტამენტში. ამჟამად იგი პროფესიულ საქმიანობას ეწევა საგანგებო სიტუაციების კოორდინაციისა და გადაუდებელი დახმარების ცენტრის გურჯაანისა და თელავის ფილიალებში ექიმად, ხოლო თელავის რეფერალურ ჰოსპიტალში — ნევროლოგად.

რა არის კარგი ექიმი?
იმისათვის, რომ ადამიანი გახდეს გულისხმიერი და პროფესიონალი ექიმი, მას უნდა უყვარდეს პაციენტი. იყოს მაღალი პასუხისმგებლობის მქონე, შრომისმოყვარე და გონიერი.

რატომ აირჩიეთ მედიცინა?
პროფესიის არჩევისას დიდი გავლენა იქონია პაპაჩემმა, რომელიც წარმატებული ექიმი გახლდათ. სწორედ მან შემაყვარა ეს პროფესია ბავშვობიდანვე.

ვინ არის თქვენი მისაბაძი?
როგორც ექიმს, არასდროს არავისთვის მიმიბაძავს.

რჩევა მომავალ ექიმებს
მომავალ ექიმებს ვურჩევდი, უყვარდეთ და პატივს სცემდნენ პაციენტებს, გააკეთონ ყველაფერი მათ გადასარჩენად და ჯანმრთელობაზე ზრუნვისთვის.

განათლება

ჩაირიცხა ქ. დაამთავრა 1984 წელს.

გამოცდილება

ანულია ტატიაშვილი დაიბადა 1960 წელს სოფელ ველისციხეში. 1966 წელს სწავლა დაიწყო სოფელ ველისციხის საშუალო სკოლაში. სკოლის წარმატებით დასრულების შემდეგ, 1976 წელს ჩაირიცხა ქ. თბილისის სახელმწიფო სამედიცინო ინსტიტუტში (სამკურნალო ფაკულტეტზე), რომელიც დაამთავრა 1984 წელს. ინტერნატურის გავლის შემდეგ, 1984 წლიდან მან პროფესიული საქმიანობა დაიწყო მუკუზნის, ჭანდრისა და ჩუმლაყის სოფლის ექიმად. 1989 წელს დაინიშნა სასწრაფო სამედიცინო დახმარების სამსახურის განყოფილების გამგედ. სამი წლის შემდეგ გადავიდა ამავე განყოფილების მორიგე ექიმად, ხოლო პარალელურად მუშაობა დაიწყო შპს „ჰიპოკრატეში“ თერაპევტის პოზიციაზე.