ალექსანდრე ტაბატაძე

დაიბადა 1982 წელს ხარაგაულის რაიონის სოფელ დიდვაკეში. 1988–1996 წლებში სწავლობდა სოფელ დიდვაკის სკოლაში, ხოლო 1997–1999 წლებში — სოფელ მარელისის საშუალო სკოლაში. 2000–2005 წლებში მან უმაღლესი განათლება ქალაქ თბილისში მიიღო. 2006–2007 წლებში კი, ალექსანდრე ტაბატაძე მუშაობდა ხარაგაულის მუნიციპალიტეტის მერიის გარემოს დაცვისა და ბუნებრივი რესურსების მართვის სამსახურში, სამსახურის უფროსის პოზიციაზე. 2007 წლიდან 2021 წლამდე საქმიანობდა მერიის ჯანმრთელობისა და სოციალური დაცვის სამსახურში. 2021 წლიდან კი ხელმძღვაელობს ხარაგაულის მუნიციპალიტეტის აიპი საზოგადოებრივი ჯანდაცვის ცენტრს, რომელიც ემსახურება ხარაგაულის მუნიციპალიტეტის ტერიტორიაზე სამედიცინო დაწესებულებების კონტროლსა და მონიტორინგს, იმუნიზაციასა და აცრებს. ალექსანდრე ტაბატაძის საქმიანობა მოიცავს მოსახლეობის ჯანსაღი ცხოვრების წესის უზრუნველყოფას.

რა არის კარგი ექიმი?
ადამიანი პროფესიონალი ექიმი რომ გახდეს, პირველ რიგში, თბილი, მოსიყვარულე და პაციენტის მდგომარეობის გულთან მიმტანი უნდა იყოს. ამასთანავე, რა თქმა უნდა, მას ძალიან უნდა უყვარდეს თავისი პროფესია.

რატომ აირჩიეთ მედიცინა?
ბავშვობიდანვე მომწონდა ექიმობა და მინდოდა ამ პროფესიის არჩევა. ჩემი ძირითადი მიზანი მაშინაც და დღესაც გაჭირვებაში მყოფი ადამიანების გვერდით დგომა და მათთვის მდგომარეობის შემსუბუქებაა.

ვინ არის თქვენი მისაბაძი?
იდეალს რაც შეეხება, ძალიან პატარა ვიყავი, როდესაც მესმოდა სიტყვა „ჰიპოკრატე“ და „ჰიპოკრატეს ფიცი“. დიდი ინტერესიდან გამომდინარე, ჯერ კიდევ ბავშვობაში წავიკითხე მისი ბიოგრაფია. იმან, თუ რას მოუწოდებდა ძვ.წ 460 წელს დაბადებული, საბერძნეთში მოღვაწე ეს ადამიანი ექიმებს, ძალიან დამაფიქრა და ექიმობის სურვილი აღმიძრა. ამ სფეროში რამდენიმე ათწლეულია ვსაქმიანობ, ძალიან ბედნიერი და კმაყოფილი ვარ.

რჩევა მომავალ ექიმებს
მომავალ ექიმებს ვეტყოდი, რომ კარგად დაფიქრდნენ და გაიაზრონ, თუ რა დიდ და მეტად საპასუხისმგებლო საქმეს ეკიდებიან. მინახავს პროფესიით ექიმები, რომლებიც ვერ შედგნენ, როგორც პროფესიონალები და ვერ ატარეს ეს დიდი ტვირთი პაციენტების წინაშე სხვადასხვა მიზეზების გამო, რის შემდეგაც კი ძალიან მალე აირჩიეს სხვა პროფესია...

გამოცდილება

ალექსანდრე ტაბატაძე დაიბადა 1982 წელს ხარაგაულის რაიონის სოფელ დიდვაკეში. 1988–1996 წლებში სწავლობდა სოფელ დიდვაკის სკოლაში, ხოლო 1997–1999 წლებში — სოფელ მარელისის საშუალო სკოლაში. 2000–2005 წლებში მან უმაღლესი განათლება ქალაქ თბილისში მიიღო. 2006–2007 წლებში კი, ალექსანდრე ტაბატაძე მუშაობდა ხარაგაულის მუნიციპალიტეტის მერიის გარემოს დაცვისა და ბუნებრივი რესურსების მართვის სამსახურში, სამსახურის უფროსის პოზიციაზე. 2007 წლიდან 2021 წლამდე საქმიანობდა მერიის ჯანმრთელობისა და სოციალური დაცვის სამსახურში. 2021 წლიდან კი ხელმძღვაელობს ხარაგაულის მუნიციპალიტეტის აიპი საზოგადოებრივი ჯანდაცვის ცენტრს,

სამუშაო ადგილი

პირველი კლინიკა