შოტლანდიის ცნობილ ლოხ-ნესის ტბაზე Google Earth-ის თანამგზავრული სურათებით კიდევ ერთი იდუმალი შემთხვევა დაფიქსირდა. ტურისტმა ჯული ფრეიზერმა კოსმოსური გადაღების ფოტოებზე სამი ამოუცნობი სხეული აღმოაჩინა, რომლებმაც ინტერნეტ სივრცეში კვლავ გააჩინა კითხვები ლეგენდარული „ნესის“ არსებობის შესახებ.
როგორც Ambebi.ge იუწყება, ფრეიზერმა აღნიშნა: „სურათის გადიდების და ახლო დათვალიერებისას გამოჩნდა, რომ ისინი ნავებს არ ჰგვანან. უფრო ვეშაპებს ან მსგავს არსებებს მოგაგონებთ, ოდნავ მოხრილი ზურგით“. მისივე თქმით, აღმოჩენილ სხეულებს არ მოსდევდათ V-სებრი კვალი, რაც ტბაზე მოძრავი წყლის ტრანსპორტის ვერსიას გამორიცხავს.
თუ აღმოჩენა ოფიციალურად დადასტურდება, ეს იქნება წელს ლოხ-ნესის „მობინადრესთან“ დაკავშირებული უკვე მე-17 დაფიქსირებული შემთხვევა და იანვრიდან მოყოლებული ციფრულად აღბეჭდილი მესამე ეპიზოდი. მიმდინარე წელი, ეტყობა, განსაკუთრებით ნაყოფიერი აღმოჩნდა ლეგენდარული არსების მოყვარულთათვის — უკვე დაფიქსირებულია 14 თვალით ნახვისა და 2 ონლაინ-კამერით აღბეჭდილი შემთხვევა.
სრული ინფორმაცია: Ambebi.ge
QR კოდი
სტატიის ციტირება
შენი ამბები. (2026). Google Earth-მა ლოხ-ნესის ტბაში იდუმალი სხეულები აღმოაჩინა. 30 სექტემბერი, 2026. https://sheniekimi.ge/ambebi/google-earth-მა-ლოხ-ნესის-ტბაში-იდუმა/
