SheniAmbebi.ge | ჭიამაიას უნდა გავუფრთხილდეთ – ადამიანის „მეგობარი“ მწერია

ჭიამაიას უნდა გავუფრთხილდეთ – ადამიანის „მეგობარი“ მწერია

ბოლო განახლება: 30 სექტემბერი 2026 12:09 am

ავტორი

2 წუთიანი წაკითხვა

მთავარი ფაქტები

ჭიამაია სასარგებლო მწერია, რომელიც ანადგურებს ცრუფარიანებსა და სხვა მავნებლებს.
აფხაზეთში ავსტრალიიდან შემოყვანილმა როდოლიამ და კრიპტოლემუსმა ციტრუსების მავნებლების გავრცელება შეაჩერეს.
მსოფლიოში ჭიამაიასებრთა ოჯახის დაახლოებით 2000 სახეობაა, ნაწილი კი სოფლის მეურნეობისთვის მავნეც არის.
ნემსიყლაპია ჰაერშივე იჭერს კოღოებსა და სხვა წვრილ მწერებს და მისი მატლები წყალში მცხოვრებ მავნებლებს ანადგურებს.

ხოჭოების ერთ-ერთი წარმომადგენელი ჭიამაია, რომლის წითელ, ამობურცულ სხეულზე შვიდი შავი წერტილი აღინიშნება, სასარგებლო მწერთა რიცხვს განეკუთვნება. იგი პრაქტიკულად ყველგან გვხვდება და აქტიურად ებრძვის ცრუფარიანებსა და სხვა წვრილ მავნე მწერებს.

გარკვეული პერიოდის წინ აფხაზეთში ავსტრალიიდან სპეციალურად ჩამოტანილმა ჭიამაიას ორმა სახეობამ – როდოლიამ და კრიპტოლემუსმა – შეძლო ციტრუსოვანთათვის საშიში მავნებლების, ღარიანი და ფქვილისებრი ცრუფარიანების გავრცელების შეჩერება.

მსოფლიოში ჭიამაიასებრთა ოჯახის დაახლოებით 2000 სახეობა არსებობს. მათი უმეტესობა სასარგებლოა, თუმცა ცალკეული სახეობები მცენარეული საკვებით იკვებება და სოფლის მეურნეობას ზიანს აყენებს. საქართველოში გავრცელებული შავწერტილებიანი, წითელი ჭიამაია ბუგრებისა და სხვა წვრილი მავნებლების საწინააღმდეგოდ საკმაოდ ეფექტურია, ამიტომ მისი დაცვა და გაფრთხილება მნიშვნელოვანია.

ცალკე აღსანიშნავია ნემსიყლაპია – დიდი ზომის მწერი, რომელსაც რთული თვალები, მღრღნელის ტიპის პირი და ორი გრძელი, გამჭვირვალე, ხშირი ძარღვებით დაფარული ფრთა აქვს. ფრენისას ფრთები სხეულის მიმართ პერპენდიკულარულად არის განთავსებული. ნემსიყლაპია სწრაფად დაფრინავს და ჰაერშივე იჭერს წვრილ მწერებს – განსაკუთრებით კოღოებსა და ქინქლებს, ასევე ებრძვის ჩრჩილის პეპლებს. მისი მატლები წყალგუბეებში ბინადრობენ და იქაც წვრილი მწერებით იკვებებიან, რითაც დამატებით სარგებლობას მოაქვთ ადამიანისა და ცხოველებისთვის მავნებელთა განადგურების გზით.

- Advertisement -

წყარო: shenisofeli.ge

სკანირება
QR კოდი

sheniekimi.ge/ambebi

სტატიის ციტირება

შენი ამბები. (2026). ჭიამაიას უნდა გავუფრთხილდეთ – ადამიანის „მეგობარი“ მწერია. 30 სექტემბერი, 2026. https://sheniekimi.ge/ambebi/ჭიამაიას-უნდა-გავუფრთხილ/

ამ სტატიის ციტირება (Vancouver)

თაკო ფიცხელაური. ჭიამაიას უნდა გავუფრთხილდეთ – ადამიანის „მეგობარი“ მწერია [Internet]. თბილისი: Sheniekimi/ambebi.ge; 2026 [ციტირებულია: 2026 სექ 30]. ხელმისაწვდომია: https://sheniekimi.ge/ambebi/%e1%83%ad%e1%83%98%e1%83%90%e1%83%9b%e1%83%90%e1%83%98%e1%83%90%e1%83%a1-%e1%83%a3%e1%83%9c%e1%83%93%e1%83%90-%e1%83%92%e1%83%90%e1%83%95%e1%83%a3%e1%83%a4%e1%83%a0%e1%83%97%e1%83%ae%e1%83%98%e1%83%9a/

sheniekimi.ge/ambebi

ყველაფერი, რაც ქართულ სამოსზე უნდა იცოდეთ ✨️