25 აპრილი საქართველოს თავდაცვის ძალების ლოჯისტიკის დღეა. პირად შემადგენლობას ლოჯისტიკის დღე საქართველოს თავდაცვის მინისტრის პირველმა მოადგილემ პაატა პატიაშვილმა და თავდაცვის ძალების მეთაურმა, გენერალ-ლეიტენანტმა გიორგი მათიაშვილმა მიულოცეს. ჯარების ლოჯისტიკური უზრუნველყოფის სარდლობის ბაზაზე – “ვარციხე” ლოჯისტიკური უზრუნველყოფის სარდლობამ პროფესიული დღე აღნიშნა.
თავდაცვის უწყების ხელმძღვანელებმა საქართველოს ტერიტორიული მთლიანობისათვის დაღუპულ გმირთა მემორიალი გვირგვინით შეამკეს და მათ ხსოვნას პატივი მიაგეს.
თავდაცვის ძალების მეთაურმა ლოჯისტიკური უზრუნველყოფის სარდლობის სამხედრო მოსამსახურეებს პროფესიული დღე მიულოცა. სიტყვით გამოსვლისას მან აღნიშნა, რომ ჯარების ლოჯისტიკური უზრუნველყოფის სარდლობა, თავდაცვის ძალების ერთ-ერთი ყველაზე მნიშვნელოვანი შენაერთია.
სამხედრო მოსამსახურეებს პროფესიული დღე ჯარების ლოჯისტიკური უზრუნველყოფის სარდალმა, ბრიგადის გენერალმა კახა ტაბატაძემაც მიულოცა. გააგრძელეთ კითხვა
