4 ქტომბერს ვატარებთ ეროვნულ კრებას. უკვე შეკვეთილია ორი მილიონი მოსაწვევი, რომლითაც უნდა მისცენ ხმა, – ამის შესახებ ამის შესახებ მოძრაობა „რუსთაველის გამზირის“ ლიდერმა, პაატა ბურჭულაძემ ერთ-ერთი მედიის ეთერში განაცხადა.
ბურჭულაძის თქმით, მოსაწვევი მოქალაქეებს დაურიგდებათ.
„4 ოქტომბერს არ არის აქცია, 4 ქტომბერს ვატარებთ ეროვნულ კრებას, სადაც იქნება უამრავი ადამიანი რაიონებიდან და თბილისიდან. იმდენი იქნება, რომ ალბათ თბილისში ქუჩაში არ გამოსულა. ჩვენ ახლა ვუკვეთავთ ორ მილიონ მოსაწვევს, უკვე შეკვეთილია. მოსაწვევი თან იქნება მანდატი, რომლითაც უნდა მისცენ ხმა კრებაზე. მანდატი დარიგდება ხელზე, ასევე კარზე მიიღებენ“, – განაცხადა პაატა ბურჭულაძემ.
ჟურნალისტის კითხვაზე, „4 ოქტომბერს ორ მილიონ ადამიანს ელოდებიოთ?“, ბურჭულაძემ უპასუხა:
„ორ მილიონ მოსაწვევს ვარიგებთ და რამდენი მოვა, ეს უკვე სხვა ამბავია. ორი მილიონი მოსაწვევი უნდა დავარიგოთ, აქედან ბევრი მოხვდება „ქოცების“ ხელში და მათ ისე სძულთ ეს ყველაფერი, შეიძლება, გაანადგურონ. ამიტომ, მაქსიმალურად უნდა მივიდეს ყველა ადმიანამდე, ვისაც სურს მოსვლა“, – განაცხადა პაატა ბურჭულაძემ.
პაატა ბურჭულაძეს ასევე კითხვა დაუსვეს, „თქვენ ამბობთ, შევიკრიბებით და აღარ ვიშლებით, ვამხობთო, მაინტერესებს, როგორ?“, რაზეც ბურჭულაძემ აღნიშნა:
„პოლიტიკოსი როდესაც გეუბნებათ, მოდით, მაგრამ დავიშალოთ და შემდეგ ისევ მოდით, ხვალისთვის, ზეგისთვის გადავიტანოთო, მაგის დრო უკვე აღარ არის. ეს დრო უკვე წავიდა. ჩვენ უნდა შევიკრიობოთ და ჩვენი საქმე გავაკეთოთ, უნდა მოვრჩეთ. ეს აუტანლობა უნდა მორჩეს საქართველოში“.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
