საქართველოს სტატისტიკის ეროვნული სამსახურის (საქსტატი) მიერ 30 მაისს გამოქვეყნებული წინასწარი მონაცემებით, 2025 წლის აპრილში წინა წლის შესაბამის პერიოდთან შედარებით, ქვეყნის რეალური მთლიანი შიდა პროდუქტი (მშპ) 7.5%-ით გაიზარდა.
2025 წლის აპრილში წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია; საფინანსო და სადაზღვევო საქმიანობები; სამთომოპოვებითი მრეწველობა; უძრავ ქონებასთან დაკავშირებული საქმიანობები; ტრანსპორტი და დასაწყობება.
კლების ტენდენცია დაფიქსირდა მშშენებლობისა და დამამუშავებელი მრეწველობის სექტორებში.
„საქსტატის“ ინფორმაციით, 2025 წლის იანვარი-აპრილის საშუალო რეალური ზრდა 8.8%-ით განისაზღვრა.
