თურქეთში ტურისტებს სიფრთხილისკენ მოუწოდებენ. ინფორმაციას თურქული მედია ავრცელებს.
მედიის მიერ გავრცელებულ პუბლიკაციაში ნათქვამია, რომ სანაპირო ზოლებზე ქოლერის გამომწვევი საშიში ბაქტერია Vibrio-ს ინფიცირების რისკი არსებობს, Vibrio-ს ბაქტერიის დნმ მარმარილოს, ეგეოსისა და ხმელთაშუა ზღვის სანაპიროებზე აღმოაჩინეს.
დიდი სეიმენი – ვიბრიონის ბაქტერიები, რომლებიც ზღვის წყლის ტემპერატურის მატებასთან ერთად მრავლდებიან, შეიძლება ორგანიზმში ღია ჭრილობებიდან მოხვდნენ და სასიკვდილო ინფექციები გამოიწვიონ.
დაავადებათა პრევენციისა და კონტროლის ევროპული ცენტრის (ECDC) მიერ გაცემული უახლესი გაფრთხილების თანახმად, ვიბრიონის ბაქტერიები, რომლებიც ადრე მხოლოდ ბალტიის ზღვაში გვხვდებოდა, ახლა ჩრდილოეთის ზღვასა და დახურულ საცურაო ადგილებშიც გვხვდება. ეს ბაქტერიები მაღალ ტემპერატურასა და დაბალ მარილიანობაში ხარობენ, განსაკუთრებით მარილიან და მლაშე წყლებში (მარილიანი და მტკნარი წყლის ნაზავი).
ამ ბაქტერიებიდან ზოგიერთს შეუძლია გამოიწვიოს ქოლერა მძიმე დიარეითა და სითხის დაკარგვით, ქსოვილების ინფექციებითა და ნეკროზული ფასციტით, მათ შორის, სეფსისითაც კი.
ბაქტერიები ორგანიზმში ზღვის წყლის გადაყლაპვით, მოლუსკების მეშვეობით ან ღია ჭრილობაზე ზღვის წყალთან კონტაქტით ხვდებიან.
გარდა ამისა, ექსპერტები ყურადღებას ამახვილებენ საცურაო აუზებში ინფექციის რისკზე, სადაც როტავირუსული და A ჰეპატიტის ინფექციებით დაინფიცირების საფრთხე მაღალია.
