„მასტერმა“ ახალი სიმღერა და კლიპი „ხსოვნა“ გამოუშვა.
როგორც მომღერალი წერს, აღნიშნული სიმღერის ინსპირაცია ერთ-ერთი შეტყობინება გახდა, სადაც მას გარდაცვლილი ახალგაზრდის დამ შემდეგი ტექსტი მიწერა: „რამოდენიმე წლის წინ საგარეჯოში გქონდა კონცერტი და იქ ჩემმა ძმამ შენთან სელფი გადაიღო. სამწუხაროდ, ის ცოცხალი აღარაა, მაგრამ მის ტელეფონში შენი სიმღერები ისევაა“.
შეტყობინებას თან ფოტოც ახლავს.
„იყო ასეთი ისტორია და მე გადავწყვიტე ეს ამბავი მომეყოლა… შემდეგ სიმღერას ვუძღვნი ყველა ახალგაზრდას, ვინც ნაადრევად დაგვტოვა“, – წერს რეპერი.
