სამოგზაურო გამოცემა Travelbook-ის გამოკითხვაში თბილისი ევროპის ყველაზე ლამაზი დედაქალაქების სიაში მოხვდა

გერმანული სამოგზაურო გამოცემის, Travelbook-ის გამოკითხვაში თბილისი ევროპის 14 ულამაზეს დედაქალაქს შორის მოხვდა. ინფორმაციას ტურიზმის ეროვნული ადმინისტრაცია ავრცელებს.

Travelbook-მა სოციალურ ქსელებში – Facebook-სა და Instagram-ში 200 ათასზე მეტ გამომწერს შეკითხვით მიმართა, ევროპის 47 დედაქალაქიდან სად ისურვებდა მოგზაურობას და რომელია ევროპის ყველაზე ლამაზი დედაქალაქი.

Travelbook-ის გამოკითხვის მონაწილეებმა შემდეგი დედაქალაქები აირჩიეს: თბილის, რომი, ვენა, ლისაბონი, პარიზი, პრაღა, სტოკჰოლმი, კოპენჰაგენი, ლონდონი, ამსტერდამი, ტალინი, ვალეტა, მადრიდი და ათენი.