მოცვის მოვლის მოკლე გზამკვლევი 🌿
მოცვი კენკროვან კულტურებს შორის ერთ-ერთ ყველაზე მომთხოვნ მცენარედ ითვლება. მისი წარმატებით მოყვანა მხოლოდ მაშინ არის შესაძლებელი, თუ გარემო პირობები ზუსტად შეესაბამება მის მოთხოვნებს — წინააღმდეგ შემთხვევაში ძალისხმევა უშედეგო იქნება.
მოცვი უაღრესად სასარგებლო მცენარეა. მას შეუძლია, რომ დაბლოკოს კიბოს უჯრედები და მას გამრავლების საშუალება არ მისცეს. ცნობილია, რომ მეორე მსოფლიო ომის დროს ინგლისელი მფრინავები ღამით მხედველობის გაუმჯობესების მიზნით მოცვს იღებდნენ. მოცვი შედის ასევე კოსმონავტების მენიუში
🍀 ნიადაგი და მჟავიანობა
მოცვს სჭირდება მკვეთრად მჟავე ნიადაგი — ოპტიმალური pH არის დაახლოებით 4.2–5.2. ამ ზღვარს თუ გასცდა, მცენარე ნელ-ნელა სუსტდება. მიწა უნდა იყოს მსუბუქი, ფხვიერი, ტორფიანი და ჰაერგამტარი. არ იტანს მარილიან, თიხიან ნიადაგს, ნაკელსა და კირს. საუკეთესოა წიწვოვანი ტყის ნიადაგი, ასევე გოგირდის გრანულების გამოყენება მჟავიანობის შესანარჩუნებლად.
🍀 დარგვის ადგილი
აირჩიეთ მზიანი სივრცე, სადაც დღეში მინიმუმ 6–7 საათი მზის სხივი ხვდება. ადგილი უნდა იყოს ქარისგან დაცული და წყალი არ უნდა გროვდებოდეს.
🍀 მორწყვა
მორწყვა სჭირდება რეგულარულად, მაგრამ გადაჭარბების გარეშე. არ უნდა დგებოდეს წყალი არსად. ძალიან ცხელ ამინდში საკმარისია კვირაში ერთხელ თითო ბუჩქზე დაახლოებით ერთი ვედრო წყალი.
🍀 კვება
მოცვს უხდება მხოლოდ მსუბუქი, მჟავე სასუქები. არ უყვარს ზედმეტი აზოტი და ორგანული ნაკელი. მცირე რაოდენობით აზოტი დასაშვებია მხოლოდ გაზაფხულზე — ამონიუმის სულფატი საუკეთესო არჩევანია. ზაფხულში შეიძლება მსუბუქი ჰუმუსური ბიო-სასუქების გამოყენება.
🍀 სისუფთავე და მულჩირება
სარეველები მისთვის სერიოზული პრობლემაა, ამიტომ სუფთა ბაღი აუცილებელია. მულჩირება ძალიან ეხმარება — განსაკუთრებით წიწვოვანი მასალით.
🍀 გასხვლა
გასხვლა იწყება მესამე ან მეოთხე წლიდან. ადრე ჩარევა დაუშვებელია. მხოლოდ ტყის ტიპის მოცვს შეიძლება შედარებით ადრე გასხვლა.
🍀 ზამთრის მოვლა
ზამთარში მცენარეს სჭირდება დამულჩვა — იდეალურია ფიჭვის წიწვები, ნაფოტი, გირჩები ან სხვა წიწვოვანი ნარჩენები.
🍀 დაავადებები და მავნებლები
ყველაზე გავრცელებულია ქლოროზი და ფესვის ლპობა. მავნებლებიც ხშირად უტევს. ქლოროზის თავიდან ასაცილებლად აუცილებელია ნიადაგის მუდმივი დამჟავება. მავნებლების წინააღმდეგ ეფექტურია ნიმის ზეთი და სხვა ბიომეთოდები. მძიმე ქიმიური პრეპარატების გამოყენება ნაკლებად სასურველია.
🍀 კლიმატი
მოცვის ბუნებრივ სამშობლოდ ითვლება გურია, თავისი შესაბამისი კლიმატითა და ბუნებრივი პირობებით. სხვა რეგიონებში მისი მოყვანა გაცილებით მეტ სირთულესთან არის დაკავშირებული.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
