როგორ შევარჩიოთ და შევიძინოთ უვნებელი კვერცხი?
„კვერცხი სასარგებლო და მრავალფეროვანი პროდუქტია, მაგრამ თუ არასწორადაა შენახული ან არაუსაფრთხო წყაროდან მოდის, შეიძლება ჯანმრთელობისთვის საშიში გახდეს
აროგორ ავირჩიოთ უსაფრთხო კვერცხი:
1. ყურადღება მიაქციე მარკირებას
• აირჩიე კვერცხი, რომელიც მარკირებულია შეფუთვისა და ვადის მითითებით
• გადაამოწმე ვადის ამოწურვის თარიღი!
2. შეფუთვა და გარეგნული მდგომარეობა
• არ იყიდო დაბზარული ან ჭუჭყიანი კვერცხი – ბზარებიდან ბაქტერიები მარტივად ხვდება შიგნით
• უპირატესობა მიანიჭე სუფთა, დაზიანების გარეშე და მშრალ კვერცხს
3. შეამოწმე შენახვის პირობები
• მაღაზიაში კვერცხი შეიძლება იყოს გრილ ადგილას, ან მაცივარში, მაგრამ არა მზის პირდაპირ სხივებზე
• თუ სახლში მიიტანე – შეინახე მაცივარში, სასურველია არა კარის თაროზე, არამედ შიგნით, სტაბილურ ტემპერატურაზე
4. მოერიდე ბაზარში დაუმარკირებელი კვერცხის ყიდვას
5. არ დაგავიწყდეს თერმული დამუშავება
• კვერცხი კარგად მოხარშე ან შეწვი – განსაკუთრებით, თუ ბავშვებისთვის ამზადებ 
უვნებელი კვერცხი = ჯანმრთელი ოჯახი!“ – ამბობს ურსათის უვნებლობის სპეციალისტი, ირაკლი არაბული.
