დეკანოზი დავით აფხაზი მოსახლეობას რჩევას აძლევს: „თუ ავად ხარ, გახველებს და სიცხე გაქვს, სჯობს დროებით მოერიდო ტაძარში მისვლას.“
„თუ ავად ხარ, გახველებს და სიცხე გაქვს, სჯობს დროებით მოერიდო ტაძარში მისვლას. ეს არ არის ცოდვა. პირიქით, ეს არის სიყვარული და ზრუნვა სხვა ადამიანებზე, რომ ისინი არ დააავადო.
ქრისტიანულ ეთიკაში მნიშვნელოვანი პრინციპია მოყვასის სიყვარული. თუ ადამიანი ავად არის და მაინც მიდის ხალხმრავალ ადგილზე, შეიძლება სხვებს გადასდოს დაავადება.
ასეთ დროს უკეთესია:
ილოცო სახლში
წაიკითხო წმინდა წერილი
უყურო ან მოუსმინო ლიტურგიას
(თუ გადაიცემა)
და როცა გამოჯანმრთელდები, ისევ წახვიდე ტაძარში
ეკლესიაშიც ასე ასწავლიან: ავადმყოფი ადამიანი არ არის ვალდებული ტაძარში წავიდეს (იგულისხმება გაციება, ხველება…)
ხშირად მოძღვრებიც ამბობენ:
„როცა ავად ხარ, შენი ადგილი სახლშია. გამოჯანმრთელდი და შემდეგ მოდი ეკლესიაში.“
ძველ ქრისტიანულ სამყაროში, როცა ეპიდემიები და მძიმე დაავადებები ვრცელდებოდა, ეკლესია ადამიანებს გონიერებასა და სიყვარულს ასწავლიდა.
1. თუ ადამიანს გადამდები სენი ჰქონდა, ხშირად სახლში რჩებოდა, რათა სხვები არ დაენფიცირებინა. ასეთ დროს იგი სახლში ლოცულობდა და ღმერთს დახმარებას სთხოვდა.
(პირიქითა ხევსურეთში, დღემდე შემორჩენილია აკლდამები, სადაც ადამიანები დაინფიცირებულნი იკეტებოდნენ და თავს წირავდნენ, რათა მოყვასი და სოფელი გადაერჩინათ).
2. თუ ადამიანი მძიმედ იყო ავად, მღვდელი თავად მიდიოდა მის სახლში, რათა ეზიარებინა, ელოცა და ეცხო ზეთი. ამის მაგალითს ვხედავთ წმიდა მოციქულ იაკობის საყოველთაო ეპისტოლეში 5:14-ში:
„თუ ვინმე თქვენ შორის ავად არის, მოუხმოს ეკლესიის ხუცესებს და ილოცონ მისთვის და სცხონ მას ზეთი უფლის სახელით.“
3. საეკლესიო ისტორია გვამცნობს, რომ ბევრი ქრისტიანი ეპიდემიების დროს არ ტოვებდა ავადმყოფებს, უვლიდა მათ, აჭმევდა და ეხმარებოდა.
4. ავადმყოფი უნდა გაუფრთხილდეს სხვებს
სხვები უნდა დაეხმარონ ავადმყოფს
ამიტომ თუ სიცხე გაქვს ან ძლიერ გახველებს:
სჯობს სახლში დარჩე
ილოცო სახლში
გამოჯანმრთელების შემდეგ ისევ წახვიდე ტაძარში
ეს არც ცოდვაა და არც რწმენის ნაკლებობა , არამედ ეს არის მოყვასის სიყვარული და პასუხისმგებლობა.
პ.ს. ასევე თუკი ვეჭვობ, რომ შეიძლება ვიყო ვირუსის მატარებელი, ასეთ დროს სასურველია პირბადით მისვლა საზოგადოებრივ ადგილებში, მათ შორის ტაძარშიაც.“ – წერს დეკანოზი დავით აფხაზი
