თბილისის საერთაშორისო აეროპორტში განსაკუთრებით დიდი ოდენობით ნარკოტიკია აღმოჩენილი. ფინანსთა სამინისტროს მებაჟეებმა უცხო ქვეყნის მოქალაქის ბარგში 20 კილოგრამზე მეტი ჰერმეტულად დაფასოებული მარიხუანა ამოიღეს.
უწყების ცნობით, ბარგის სკანირებისას საეჭვო ნივთიერება რენტგენოლოგიური კონტროლისას დაფიქსირდა, რის შემდეგაც მისი დეტალური ინსპექცია განხორციელდა. შემდგომი დათვალიერებისას, ეჭვი დადასტურდა — ჩანთაში მოთავსებული იყო ჰერმეტულად შეფუთული მარიხუანა, საერთო წონით 20 კილოგრამზე მეტი.
საქმეზე გამოძიება საქართველოს სისხლის სამართლის კოდექსის 262-ე მუხლის მე-1 ნაწილით და 273-ე პრიმა მუხლით მიმდინარეობს. პროცესს შინაგან საქმეთა სამინისტროს ცენტრალური კრიმინალური პოლიციის დეპარტამენტი აწარმოებს.
#drpkhakadze #გიორგიფხაკაძე #davidiani #sheniambebi #აქხარისხია
