ზაფხული და ქვეწარმავლები
როგორ უნდა მოვიქცეთ, როცა გველს ვხედავთ?
შოთა ზანდუკელი ამბობს, რომ გველი უძრავ სხეულს ვერ აღიქვამს და „გაშეშება“ ერთგვარი თავდაცვის საშუალებაა.
„გველი უძრავ სხეულს ვერ აღიქვამს. რომ “გავშეშდეთ” და 100 გიურზა დავყაროთ, არც ერთი მათგანი არ გვიკბენს. გაშეშება ერთგვარი თავდაცვის საშუალებაა. როგორც კი მოძრაობას დავიწყებთ, ის საფრთხეს იგრძნობს. თუმცა, როდესაც ქვეწარმავალს თავზე წავადგებით და ვერაფერს ვასწრებთ. გველი ამ დროს ინტერესს დაკარგავს, საფრთხედ ვეღარ აღგვიქვამს.
სხვა დროს, როდესაც გველს ვხედავთ და სახეობებს ვერ ვცნობთ, არც ერთ შემთხვევაში, მისი მიმართულებით არ უნდა წავიდეთ. სტატისტიკურად, დაკბენის ძირითადი შემთხვევები ხდება მაშინ, როდესაც მის დაჭერას, მოკვლას ვცდილობთ. ფეხის დადგმა, შემთხვევითობის ამბები ძალიან იშვიათია. 99% შემთხვევაში ყველა გველი გაქცევას ცდილობს. არ აქვს მნიშვნელობა, გიურზა იქნება თუ სხვა სახეობა.
კანის შეცვლის დროს გველი თითქმის ვერაფერს ხედავს. ამ პროცესში თვალებიდანაც სძვრება კანი.
გოგირდი დაწვა, ცხვრის მატყლის დაყრა და სხვა საშუალებები – ყველაფერი მითია“, – განაცხადა შოთა ზანდუკელმა.
