რით ვიმოსებით? – მისი უდიდებულესობა ტანისამოსი. აბრეშუმის გზა ნეილონის საუკუნემდე, ანუ ისტორია რეალობის სამოსში – ნახეთ, ტანსაცმლის ქიმია აკადემიკოს რამაზ გახოკიძის საავტორო პროექტში „საექიმო ქიმია“.
„ძალიან დიდი ყურადღება უნდა მივაქციოთ, რით ვიმოსებით. ის, რითიც ჩვენ ვიმოსებით არანაკლებ მნიშვნელოვანია საკვებზე, სასმელსა და ჰაერზე. ბუნებრივი აბრეშუმი უდიდესი მიღწევაა, ზამთარში ინარჩუნებს სითბოს, ზაფხულში – სიგრილეს. ბამბაც უძველესი კულტურაა, ეს არის საოცრება“, – აღნიშნავს ავტორი.
ტანსაცმელში 30 პროცენტზე მეტი არ უნდა იყოს ხელოვნური მასალა.
„ხუთი ათასი წლის წინანდელ ისტორიას მოგახსენებთ, იმპერატორის ბრძანება გაიცა, რომ მასობრივად ყოფილიყო გამოყენებული ბუნებრივი აბრეშუმი ქვედა საცვლების სახით. ის ხუთი ათასი წლის წინ იყო ცნობილი ჩინეთში, 2 300 წლის წინ შემოვიდა საქართველოში. ბრეხტის მუზეუმში ახლაც არის გამოფენილი კანაფის სამოსი“, – ამბობს წამყვანი.
სამოსი, როგორც წამალი
„როცა ქრონიკულად გაწუხებთ, მაგალითად ანგინა, უძილობა, ბუნებრივ აბრეშუმს ანტისეპტიკური აქტიურობა გააჩნია. ტკიპები ვერ ძლებენ. არ არსებობს ზღვარი, ქიმიამ რომ არ გადაჭრას, მთავარია შეუკვეთოს მედიცინამ, ხელოვნებამ“, აღნიშნავს რამაზ გახოკიძე.
როგორც წამყვანიც აღნიშნავს, ვიზუალურად ბევრად ჯობია სინთეზური.
„ერთი სანტიმეტრი სისქის ძაფი უძლებს ორმოც ტონას. არსებობს ისეთი საშინელი მძიმე მეტალებით შეღებილი თეთრეულიც კი, როგორიც ტყვია და კადმიუმია. ეს არის უდიდესი დივერსია. ძალიან ცუდ ეკოლოგიურ, ქიმიურ ველში გვიწევს ცხოვრება“, – ამბობს აკადემიკოსი.
