მიხეილ სარჯველაძე: „მულტიდისციპლინური გუნდის ჩართულობით გარკვეული პროცესების დაგეგმვა გათვალისწინებულია სხვა ნერვ-კუნთოვანი დაავადების მქონე პაციენტებისთვისაც“

By © საქართველოს საზოგადოებრივი ჯანდაცვის ინსტიტუტი

მაისი 5, 2026

116

C და B ჰეპატიტის პროგრამები — #post_seo_title

„ჩვენ ვაგრძელებთ მუშაობას როგორც მედიკამენტების შეფასების, ისე – სოციალური საკითხების მოწესრიგების მიმართულებით“, – განაცხადა ჯანდაცვის მინისტრმა დიუშენის კუნთოვანი დისტროფიის მედიკამენტებზე ჟურნალისტებთან.

ჯანდაცვის მინისტრის განმარტებით, მულტიდისციპლინური გუნდის ჩართულობით გარკვეული პროცესების დაგეგმვა გათვალისწინებულია სხვა ნერვ-კუნთოვანი დაავადების მქონე პაციენტებისთვისაც.

მისივე განმარტებით, პარალელურად, სამინისტრო აგრძელებს მუშაობას მედიკამენტებთან დაკავშირებით ინფორმაციის შეფასებისა და სხვა სოციალური საკითხების მიმართულებით.

მინისტრმა ყურადღება გაამახვილა ასევე რისკებზე, რომლებიც შესაძლოა უკავშირდებოდეს გადაჭარბებულ მოლოდინებსა და არასანდო ინფორმაციას.

„მსოფლიოში ყველა წერს, ყველა საუბრობს, რომ, მათ შორის, ძალიან დიდია საფრთხეები დაკავშირებული, მაგალითად, გადაჭარბებული მოლოდინების, გადაჭარბებული დაპირებების შექმნის და ფარმაცევტული კომპანიების მხრიდან, ეს არ არის, სამწუხაროდ, არც პირველი შემთხვევა და არც – უკანასკნელი შემთხვევა, როდესაც ასეთი ეჭვები შეიძლება არსებობდეს კონკრეტულ საშუალებებთან დაკავშირებით“ – განაცხადა მიხეილ სარჯველაძემ.

მინისტრის შეფასებით, აღნიშნული გარემოებები აუცილებლად უნდა იყოს გათვალისწინებული გადაწყვეტილებების მიღების პროცესში და ყურადღება უნდა გამახვილდეს რეალურ, მტკიცებულებებზე დაფუძნებულ შედეგებზე.