სექტორი არის განწყობილი, მზად და შეგუებული იმას, რომ რაღაც უნდა შეიცვალოს, – განაცხადა გადაცემაში “იმედი Live” ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ მედიკამენტების ფასებზე საუბრისას.
მინისტრის განმარტებით, ფარმაცევტულ სექტორში მოქმედი კომპანიები აცნობიერებენ, რომ ეს არ არის სფერო, სადაც აბსოლუტურად თავისუფალი ბაზრის პრინციპით იმოქმედებენ.
„უნდა ვთქვა მთლიანად სექტორის სასახელოდ, რომ განწყობა იყო ერთმნიშვნელოვნად პოზიტიური. ყველა აცნობიერებს კარგად, რომ ეს ის სექტორი არ არის, სადაც აბსოლუტურად თავისუფალი ბაზრის პრინციპით იმოქმედებენ, რა ფასადაც იყიდება, იმ ფასად გავყიდი – ასე ვერ იქნება. ამას აცნობიერებს ყველა და არა მხოლოდ დეკლარირებულად ამბობს ამას, არამედ რეალურადაც განწყობა არის და მზად არის სექტორი აღიაროს მაგალითად, რომ ამ დრომდე რაც გაკეთდა იგივე რეფერენტული ფასების მიმართულებით, რომ ეს სწორი პოლიტიკაა და ბუნებრივია არის შესაძლებლობა, რომ ამის ფარგლებშიც ბიზნესმა იმუშაოს, მოგებაზე იმუშაოს, უბრალოდ ეს იყოს ზომიერი“, – განაცხადა ჯანდაცვის მინისტრმა.
