კვლევა 🍳 კვერცხი და ქოლესტერინი – კვერცხი სინამდვილეში ამცირებს ორგანიზმში ცუდი ქოლესტერინის დონეს

🍳 კვერცხი და ქოლესტერინი

წლების განმავლობაში კვერცხის ირგვლივ გავრცელებული ინფორმაცია ჭარბი ქოლესტერინის შესახებ არაერთგვაროვანი და ხშირად ურთიერთსაწინააღმდეგო იყო. ზოგიერთი დიეტური რეკომენდაცია კვერცხს ჯანმრთელობისთვის მავნედ მიიჩნევდა, თუმცა ახალი მტკიცებულებები აჩვენებს, რომ რეალობა გაცილებით მეტად კვერცხის სასარგებლოდ იხრება.

🧠 ახალი კვლევა ამტკიცებს: კვერცხი ცუდ ქოლესტერინს არ ამაღლებს

სამხრეთ ავსტრალიის უნივერსიტეტის მიერ ჩატარებული უახლესი კვლევა მიზნად ისახავდა განესაზღვრა, როგორ გავლენას ახდენს კვერცხი ორგანიზმში დაბალი სიმკვრივის ლიპოპროტეინების (LDL, იგივე “ცუდი” ქოლესტერინი) დონეზე.

კვლევის ავტორის, პროფესორ ჯონათან ბაკლის თქმით, „დიდი ხნის განმავლობაში, კვერცხს უსამართლოდ ექცეოდა მოძველებული დიეტური რჩევა“, თუმცა რეალურად ის შეიცავს მაღალი ხარისხის ცილებსა და სასარგებლო საკვებ ნივთიერებებს, თუმცა, სწორედ რომ მისი ქოლესტერინის დონე განაპირობებს, რომ ხშირად ეჭვქვეშ აყენებენ მის შეტანას ჯანსაღ კვებაში“.

🧪 კვლევის დეტალები და საკვები რეჟიმები

მეცნიერებმა ექსპერიმენტში ჩართეს 61 ადამიანი, რომლებსაც ერთნაირი LDL ქოლესტერინის დონე ჰქონდათ. მონაწილეები გაყოფილი იყვნენ სამ დიეტურ ჯგუფად, თითოეული ჯგუფი მიჰყვებოდა განსაზღვრულ კვების რეჟიმს 5 კვირის განმავლობაში.

დიეტები გამოიყურებოდა ასე:

1. მაღალქოლესტერინიანი, მაგრამ დაბალი ნაჯერი ცხიმით — ყოველდღე ორი კვერცხი.

2. დაბალქოლესტერინიანი, მაგრამ ნაჯერი ცხიმებით მდიდარი — კვერცხის გარეშე.

3. მაღალი ქოლესტერინითა და ნაჯერი ცხიმით დატვირთული — კვირაში მხოლოდ ერთი კვერცხი.

📊 რა გვიჩვენა შედეგებმა?

კვლევამ ნათლად აჩვენა, რომ ნამდვილი რისკი იმალება ნაჯერი ცხიმებში, რომლებიც მოიძებნება ძეხვეულში, ცხიმიან რძის პროდუქტებში და გადამუშავებულ საკვებში. ხოლო კვერცხი, რომელსაც ქოლესტერინი აქვს, მაგრამ ნაჯერი ცხიმი — მინიმალური, არ იწვევს LDL-ის მატებას და შესაძლოა იყოს ჯანმრთელი დიეტის ნაწილი.

🟢 დიეტა, რომელიც მოიცავდა დღეში ორ კვერცხს და იყო დაბალი ნაჯერი ცხიმით, არ აუარესებდა არცერთი მონაწილის ქოლესტერინის დონეს.

🔴 იმ პირებმა, ვინც იღებდა ნაჯერი ცხიმით მდიდარ დიეტას (თუნდაც კვერცხის გარეშე), LDL-ის მკვეთრი მატება განიცადეს.

✅ დასკვნა: ვუფრთხილდეთ ცხიმს, არა კვერცხს

კვლევის ავტორების თქმით, საზოგადოება აქამდე მცდარად აკავშირებდა კვერცხს გულ-სისხლძარღვთა დაავადებებთან, მაშინ როცა მავნე ეფექტებს ძირითადად ნაჯერი ცხიმი იწვევს. ამიტომ, რაციონში კვერცხის ჩართვა სრულიად უსაფრთხოა იმ შემთხვევაში, თუ ვაკონტროლებთ სხვა ცხიმიან პროდუქტებს.

🗨️ „მნიშვნელოვანია გავაცნობიეროთ, რომ კვერცხი არ არის მტერი. ჯანმრთელობისთვის სარისკოა ის პროდუქტები, რომლებშიც ნაჯერი ცხიმია ჭარბად — მათ შორის გადამუშავებული ხორცი და ტკბილეული“, — აღნიშნავს ბკლი.

კვლევა The American Journal of Clinical Nutrition-ში გამოქვეყნდა.

SheniEkimi.ge

დამოუკიდებელი, აპოლიტიკური და ნეიტრალური მედია — ფაქტებზე დაფუძნებული სანდო ინფორმაცია. შენთვის და შენი საქართველოსთვის. #აქხარისხია #drpkhakadze #sheniambebi

See Full Bio