იცოდით, რომ პირველი დოკუმენტირებული წყალში მშობიარობა 1803 წელს საფრანგეთში მოხდა? ქალმა შემთხვევით იმშობიარა აბაზანაში და განაცხადა, რომ თბილი წყალი ტკივილს უმსუბუქებდა!
დღეისთვის უფრო და უფრო მეტი ქალი ირჩევს წყალში მშობიარობის მეთოდს, რაც განპირობებულია შემდეგი მიზეზებით:
ტკივილის შემსუბუქება – თბილი წყალი რელაქსაციას უწყობს ხელს და ტკივილს ამცირებს.
გახსნის პროცესის დაჩქარება – საშვილოსნოს გახსნა უფრო სწრაფად მიმდინარეობს.
ბუნებრივი გარდამავალი გარემო ახალშობილისთვის – ბავშვისთვის, რომელიც 9 თვე სანაყოფე სითხეში იმყოფება, წყალში დაბადება უფრო რბილ და ბუნებრივ გადასვლას ნიშნავს ახალ სამყაროში.
