საქართველოში 9 კლინიკამ მიიღო მსოფლიოში ყველაზე ავტორიტეტული მააკრედიტირებელი ორგანიზაციის “აკრედიტაცია კანადის” პლატინის სერტიფიკატი. ამის შესახებ ორგანიზაციის მთავარ ვებ და Facebook გვერდებზე არაერთი სტატია თუ ვიდეო გამოქვეყნდა.
“Accreditation Canada (AC) სიამაყით აცხადებს, რომ ამ კვირაში ცხრა ქართულმა სამედიცინო ორგანიზაციამ წარმატებით გაიარა Qmentum International™ პროგრამის აკრედიტაციის ციკლი. ეს აღიარება ხაზს უსვამს საქართველოს ჯანდაცვის სექტორში მიმდინარე პროგრესს და კიდევ უფრო ამყარებს საქართველო-კანადის პარტნიორობას ხარისხიანი, უსაფრთხო და პაციენტზე ორიენტირებული მომსახურების განვითარებისთვის.
ეს მნიშვნელოვანი მიღწევა კიდევ ერთხელ ცხადყოფს იმ შრომასა და ძალისხმევას, რომელიც ქართულმა სამედიცინო ორგანიზაციებმა ჩადეს HSO-ს საერთაშორისო სტანდარტების დასაკმაყოფილებლად. Accreditation Canada-ს ექსპერტებისა და პროფესორ გიორგი ფხაკაძის მხარდაჭერით, აღნიშნულმა კლინიკებმა განახორციელეს ხარისხის გაუმჯობესების ინიციატივები, რათა გააძლიერონ საკუთარი სისტემები და კიდევ უფრო განავითარონ პაციენტებზე მორგებული მომსახურება.
პროფესორი გიორგი ფხაკაძე, Accreditation Canada-ს წარმომადგენელი საქართველოში, აღნიშნავს:
„საერთაშორისო აკრედიტაციის მიღება მხოლოდ სტანდარტების დაკმაყოფილებას არ ნიშნავს—ეს არის ხარისხის, პაციენტის უსაფრთხოების და უწყვეტი განვითარებისთვის მყარი კულტურის შექმნა. ამ ცხრა კლინიკამ დაამტკიცა, რომ ისინი მოწოდებულნი არიან უმაღლესი ხარისხის სამედიცინო მომსახურების უზრუნველსაყოფად.“
კლინიკების შესახებ:
საპატრიარქოს „წმინდა იოაკიმეს და ანას სამედიცინო ცენტრი“
ეს კლინიკა საქართველოს საპატრიარქოს მხარდაჭერით ფუნქციონირებს და მოსახლეობას სთავაზობს როგორც ამბულატორიულ, ასევე სტაციონარულ მომსახურებას. იგი განსაკუთრებულ ყურადღებას აქცევს ეთიკურ და სულიერ მხარდაჭერას პაციენტებისთვის, რაც მას უნიკალურ ადგილად აქცევს საქართველოს ჯანდაცვის სისტემაში.
ქუთაისის საეკლესიო საავადმყოფო „ქსენონი“
„ქსენონი“ არის ქუთაისში მოქმედი საეკლესიო კლინიკა, რომელიც მაღალი სტანდარტებით ემსახურება პაციენტებს. აქ განსაკუთრებული ყურადღება ექცევა ქირურგიულ და თერაპიულ მიმართულებებს, ასევე სოციალურად დაუცველი პაციენტების მხარდაჭერას.
„პინეო“ ინოვაციური მრავალპროფილური სამედიცინო დაწესებულებაა, რომელიც სხვა მიმართულებებთან ერთად ტრავმატოლოგიას, ორთოპედიას და რეაბილიტაციას სპეციალიზებულად ემსახურება. კლინიკა იყენებს თანამედროვე ტექნოლოგიებს და მკურნალობის უახლეს მეთოდებს, რათა პაციენტებს სწრაფი და ეფექტური აღდგენის საშუალება მისცეს.
„ჯო ენის საუნივერსიტეტო ჰოსპიტალი“
„ჯო ენის ჰოსპიტალი“ არის საუნივერსიტეტო კლინიკა, რომელიც არა მხოლოდ მკურნალობას, არამედ სამედიცინო განათლებასაც ეწევა. ისწვე როგორც “აკრედიტაცია კანადის” მიერ აკრედიტებულ ყველა 9 კლინიკაში, აქაც ფუნქციონირებს პაციენტთა საბჭო, რომელიც ხელს უწყობს სერვისების გაუმჯობესებას. კლინიკა განსაკუთრებულ ყურადღებას უთმობს სამედიცინო კვლევებსა და სტუდენტების მომზადებას.
„ვივამედი“ არის მრავალპროფილური სამედიცინო ცენტრი, რომელიც ინოვაციურ მკურნალობასა და მაღალი ხარისხის სამედიცინო სერვისებს სთავაზობს პაციენტებს. კლინიკა გამოირჩევა დიაგნოსტიკის, თერაპიისა და ქირურგიის თანამედროვე მეთოდებით. აქ დასაქმებული პროფესიონალები მუდმივად გადიან საერთაშორისო ტრენინგებს, რაც ხელს უწყობს ევროპული სტანდარტების დანერგვას საქართველოში.
„ჰერა 2011“ ერთ-ერთი წამყვანი კლინიკაა გინეკოლოგიისა და რეპროდუქციული ჯანმრთელობის მიმართულებით. აქ განსაკუთრებული ყურადღება ექცევა ქალთა ჯანმრთელობის გაუმჯობესებას, მათ შორის, მშობიარობისა და უშვილობის მკურნალობას.
„N ქირონ+“ არის ნეონატოლოგიური ცენტრი, რომელიც დაბადებიდანვე უზრუნველყოფს ახალშობილთა სრულფასოვან მოვლას, დიაგნოსტიკას და მკურნალობას. კლინიკა სპეციალიზებულია პრემატურ და კრიტიკულ მდგომარეობაში მყოფი ახალშობილების ინტენსიური თერაპიისა და რეანიმაციის მიმართულებით.
კლინიკაში დანერგილია საერთაშორისო სტანდარტების შესაბამისი მეთოდები, რაც უზრუნველყოფს მომავალი თაობის ჯანმრთელობის დაცვასა და განვითარებას. პროფესიონალი ნეონატოლოგების გუნდი თანამედროვე აპარატურის დახმარებით უზრუნველყოფს ახალშობილთა სიცოცხლისუნარიანობის გაზრდას და ჯანმრთელობის ოპტიმალურ მართვას.
„შპს ჯანმრთელობის ეროვნული ორგანიზაცია“
„ჯანმრთელობის ეროვნული ორგანიზაცია“ არის ნეფროლოგიური კლინიკა და დიალიზის ცენტრი, რომელიც სპეციალიზებულია თირკმლის დაავადებების მართვასა და მკურნალობაში. კლინიკა პაციენტებს სთავაზობს ჰემოდიალიზის, პერიტონეული დიალიზისა და თირკმლის ფუნქციის მონიტორინგის სრულ სერვისს, რაც უმნიშვნელოვანესია ქრონიკული თირკმლის დაავადებების მართვისთვის.
კლინიკა აღჭურვილია თანამედროვე დიალიზის აპარატურით, რომელიც უზრუნველყოფს უსაფრთხო და ეფექტურ თერაპიას. გამოცდილი ნეფროლოგებისა და სამედიცინო პერსონალის გუნდი ახორციელებს ინდივიდუალურ მკურნალობასა და პაციენტზე მორგებულ მოვლას, რაც მნიშვნელოვნად აუმჯობესებს პაციენტთა ცხოვრების ხარისხს.
„კონსილიუმ მედულა“ გამოირჩევა მულტიპროფილური კონსილიუმის მომსახურებით, რაც პაციენტებს განსაკუთრებულად ზუსტ დიაგნოსტიკასა და მკურნალობას სთავაზობს. კლინიკის მთავარი მიზანია ინდივიდუალური მიდგომის გაძლიერება და პაციენტებისთვის უმაღლესი ხარისხის სამედიცინო დახმარების უზრუნველყოფა.
ეს ცხრა სამედიცინო ორგანიზაცია უკვე საერთაშორისო სტანდარტების ნაწილად და საქართველოში სამედიცინო მომსახურების გაუმჯობესების მაგალითად იქცა!
აღნიშნული კლიკების აკრედიტაციის მიღება აქტიურად გააშუქა ქართულმა მედიამ და ასევე Accreditation Canada-ს მთავარმა ვებ და facebook გვერდებმა:
https://www.facebook.com/share/r/14pC4SD3J4/?mibextid=D5vuiz
Accreditation Canada Celebrates Georgian Health Organizations Accreditation
„ჰერა 2011“-მა „Accreditation Canada“-ს სერტიფიკატი მიიღო – უმაღლესი აღიარება ჯანდაცვის სექტორში
მასალის გამოყენების პირობები
