ბავშვთა ასაკის სიმსუქნის ეპიდზედამხედველობის ინიციატივა
ჭარბი წონა ბავშვებში, საზოგადოებრივი ჯანმრთელობის მნიშვნელოვან პრობლემას წარმოადგენს მთელს მსოფლიოში. იგი შესაძლოა ერთერთი ხელშემშლელი ფაქტორი გახდეს მდგრადი განვითარების მიზნების მიღწევაში ქვეყნებისათვის.
არაჯანსაღი კვება, არასრულფასოვანი კვება და დაბალი ფიზიკური აქტივობა ჭარბი წონის გავრცელების მიზეზებია. ერთადერთი გზა ეპიდემიის შესაჩერებლად არის სიმსუქნის პრევენცია.
თავისმხრივ ბავშვთა სიმსუქნე მრავალფუნქციური დაავადებაა, რომელიც კავშირშია ფართო სპექტრის სამედიცინო და სოციალურ პრობლემებთან. მათ შორის ნაადრევი ადრეული სიკვდილის და ინვალიდობის მაღალი რისკის ჩათვლით. ჭარბი წონა ბავშვებში უშუალოდ დაკავშირებულია გრძელვადიან კარდიოვასკულარულ, მეტაბოლურ და სხვა ჯანმრთელობასთან ასოცირებულ უარყოფით შედეგებთან.
ბავშვთა შორის ჭარბი წონის პრევალენტობა მაღალია და იგი საზოგადოებრივი
ჯანმრთელობის სერიოზული პრობლემას წარმოადგენს ევროპის რეგიონშიც. იმის
გათვალისწინებით, რომ ჭარბი წონა გავლენას ახდენს ბავშვის გონებრივ განვითარებაზე,
სკოლაში მოსწრების ხარისხზე, განათლებაზე, ჯანმრთელობაზე, სოციალურ და ეკონომიკურ ფაქტორებზე. აუცილებელია, რომ სიმსუქნის თავიდან აცილების მიზნით, მოხდეს სიმსუქნისა და ჭარბწინიანობის ადრეულ გამოვლენა და საჭიროების შემთხვევაში მისი მკურნალობა.
საქართველოში 2017 წელს პირველად ჩატარდა კვლევა, რომელმაც შეისწავლა სიმსუქნისა და ჭარბწონიანობის პრევალენტობა 7 წლის ასაკის ბავშვთა შორის. კვლევაში მონაწილეობა მიიღო 4143 7 წლის მოსწავლემ როგორც სახელმწიფო ისე კერძო სკოლებიდან. სკოლები შერჩეული იყო რანდომულად განათლებისა და მეცნიერების სამინისტროს მიერ მოწოდებული სკოლების ჩამონათვალიდან. კვლევა წარმოადგენდა ერთ საფეხურიანი კლასტერული კვლევას.
შერჩეული კლასებიდან ბავშვთა უმრავლესობა მშობლის თანხმობით ჩართული იყო
კვლევაში.
შესწავლილი იქნა შემდეგი ანთროპომეტრული მონაცემები: სიმაღლე, წონა, წელისა და თეძოს გარშემოწერილობა. ასევე შესწავლილი იქნა ბავშვთა ჩართულობა ფიზიკური აქტივობებსა და მათი კვებითი ჩვევები.
სულად იქნა გამოკვლეული სკოლის გარემო შემდეგი თვალსაზრისით:
ფიზიკური კულტურისა და სპორტის გაკვეთილების რაოდენობა კვირის მანძილზე და სხვა სპორტულ აქტოვობებში ბავშვების მონაწილეობა, სკოლაში ბავშვთა კვებასთან
დაკავშირებული საკითხები, სკოლის მიერ სასწავლო წლის განმავლობაში განხორცილებული ჯანმრთელობის ხელშეწყაბასთან დაკავშირებული ღონისძიებები.
ბავშვთა ასაკის სიმსუქნის ეპიდზედამხედველობის ინიციატივა COSI 2017
