არსებობს თუ არა “მაიმუნის ყვავილის” საქართველოში გავრცელების რისკი.
ეპიდემიოლოგები ამბობენ, რომ ამ ეტაპზე „მაიმუნის ყვავილის“ ვირუსის პანდემიის სახით მსოფლიოში გავრცელების რისკიც კი დაბალია.
სპეციალისტების თქმით, მაიმუნის ყვავილს ზოგად სისუსტესთან, სახსრების ტკივილთან და მაღალ ტემპერატურასთან ერთად გამოარჩევს სპეციფიკური გამონაყარი მთელ სხეულზე. ვირუსის გადადება ინფიცირებულთან ახლო კონტაქტით ხდება. ჯანდაცვის სფეროს წარმომადგენლები და ეპიდემიოლოგები მოსახლეობას მოუწოდებენ, რომ მსგავსი სიმპტომების გამოვლენის შემთხვევაში პრევენციისთვის მიმართონ სამედიცინო დაწესებულებებს.
მსოფლიო ჯანდაცვის ორგანიზაციამ “მაიმუნის ყვავილის” ინფექციის გავრცელების გამო საერთაშორისო მასშტაბის საგანგებო მდგომარეობა გამოაცხადა.
“ამ დაავადებას კორონას მსგავსი პანდემიის გამოწვევა არ შეუძლია. რა თქმა უნდა, საყურადღებოა. არ არსებობს კონკრეტული მკურნალობის მეთოდები. არსებობს ვაქცინაციის სახეები“.
საქართველოში ამ ეტაპზე რაიმე საგანგაშო მდგომარეობა არაა. მოსახლეობას მოვუწოდებთ, რომ თუ მოგზაურობის შემდეგ დაეწყებათ ვირუსული ინფექციის მსგავსი სიმპტომები და დაერთვება მაიმუნის ყვავილისთვის დამახასიათებელი მძიმე წყლულოვანი გამონაყარი, აუცილებლად მიმართოს ექიმს, რომ მოხდეს დროული სიმპტომური მკურნალობა,” – აცხადებს ეპიდემიოლოგი მაია კაშია.
მაიმუნის ყვავილის შემთხვევები 2022 წელსაც ფიქსირდებოდა, თუმცა 2024 წელს ახალი შტამის ერთ-ერთი მთავარი დამახასიათებელი სწრაფი გავრცელებაა.
დაავადებათა პრევენციისა და კონტროლის ევროპული ცენტრი მაიმუნის ყვავილის ინფექციის გავრცელების რისკის შესახებ განცხადებას ავრცელებს. მაიმუნის ყვავილის ინფექციის გავრცელების საფრთხე, ინფექციის გავრცელების შემთხვევები, – ვინ არიან რისკჯგუფში
უწყებამ რისკჯგუფად ის მოგზაურები დაასახელა, ვინც აფრიკის იმ რაიონებში იმყოფებოდა, სადაც „მაიმუნის ყვავილის“ – ინფექციის გავრცელების შემთხვევები დაფიქსირდა.
ჯანდაცვის უწყების მიერ გავრცელებული მონაცემებით, ევროპასა და აფრიკას შორის მჭიდრო კავშირის გამო დაავადების შემთხვევებმა შესაძლოა ევროპაშიც იფეთქოს.
