ზედაპირული გასტრიტი – დაავადება, რომელსაც ახასიათებს კუჭის სეკრეტული ფუნქციის გაზრდა და მისი ლორწოვანი გარსის ანთება. დაავადება წარმოადგენს ქრონიკული გასტრიტის ნაირსახეობას.
ბავშვებში გასტრიტი დამახასიათებელია ორგანიზმის ინტენსიური ზრდის პროცესში (5-6, 9-12 წლის ასაკში).
ხარისხის მიხედვით გამოიყოფა დაავადების შემდეგი ტიპები:
· სუსტად გამოხატული ზედაპირული გასტრიტი;
· საშუალოდ გამოხატული ზედაპირული გასტრიტი;
· ძლიერ გამოხატული ზედაპირული გასტრიტი.
მიზეზები
დაავადება წარმოიშობა კუჭის შიდა გარსის დაზიანების შედეგად და მისი გამომწვევი მიზეზებია:
· მწვავე გასტრიტის მკურნალობის არარსებობა;
· არასწორი და არარეგულარული მკურნალობა;
· ცხიმიანი და ცხარე საკვების ჭარბი მიღება;
· ალკოჰოლის ხშირი და ჭარბი გამოყენება;
· Helicobacter pylori-ის ბაქტერია.
სიმპტომები
დაავადებისთვის დამახასიათებელია შემდეგი სახის სიმპტომები:
· მარჯვენა ნეკნების ქვეშ ტკივილი, რომელიც ძლიერდება საკვების მიღების შემდეგ;
· კუჭის სიმძიმის შეგრძნება;
· კუჭის აშლილობა;
· პირში ცუდი, მომჟაო სუნის ქონა;
· პირში ცუდი გემოს ქონა;
· გულის რევა, ღებინება.
დიაგნოსტიკა
დაავადების მკურნალობის დასანიშნად ექიმი-გასტროენტეროლოგი ნიშნავს შემდეგი სახის გამოკვლევებს:
· სისხლის საერთო ანალიზს;
· კალას ანალიზს;
· კუჭის სეკრეციის ანალიზს;
· კუჭის ლორწოვანის ნაცხის ანალიზს;
· ეზოფაგოგასტროდუოდენოსკოპიას;
· კუჭის ულტრა-ბგერით გამოკვლევას;
· ცისტოლოგიურ გამოკვლევას;
· მუცლის ღრუს რენტგენოგრაფიას.
მკურნალობა
დაავადების მკურნალობა მოიცავს:
· ანტიბიოტიკებს;
· კუჭის წვენის მჟავიანობის დამწევ პრეპარატებს;
· გასტროპროტექტორებს;
· დამცავ პრეპარატებს;
· კუჭის ლორწოვანი გარსის აღმდგენ პრეპარატებს;
· პერიფერიული მოქმედების ქოლინოლიტიკებს;
· დიეტის დაცვას.
დიეტა
მკურნალობის პერიოდში პაციენტებს ენიშნებათ სპეციალური დიეტის დაცვა, რომლის დროს უნდა მიიღონ:
· უცხიმო მოხარშული ხორცი;
· ხილისა და ბოსტნეულის პიურე;
· კისელი, კომპოტი;
· ფაფები (მანანის, ბრინჯის);
· რძე, უცხიმო ხაჭო;
· მინერალური წყალი (საკვების მიღებამდე ერთი საათით ადრე).
საშიშროება
დაავადების მკურნალობის არარასებობის შემთხვევაში შესაძლოა განვითარდეს შემდეგი სახის გართულებები:
· კუჭის სისხლდენა;
· კუჭის პოლიპები;
· კუჭის წყლული;
· კუჭის კიბო.
პროფილაქტიკა
ზედაპირული გასტრიტის პროფილაქტიკისთვის რეკომენდირებულია:
· ბალანსირებული კვების დაცვა;
· სხეულის წონის კონტროლი;
· სტრესული სიტუაციებისთვის თავის არიდება;
· კუჭ-ნაწლავის ტრაქტის დაავადებების დროული მკურნალობა;
· გასტროენტეროლოგთან წელიწადში ორჯერ შემოწმების გავლა.
