კუპეროზი – დაავადება ხასიათდება სისხლის მიკროცირკულაციის დარღვევით, რომელიც ვითარდება კანის წვრილი სისხლძარღვების გაფართვოებით და დაწყვეტით.
მიზეზები
დაავადების გამომწვევი მიზეზებია:
· გენეტიკური მიდრეკილება;
· ტემპერატურის მკვეთრი ცვლილება;
· რაციონში ცხარე და ცხელი საჭმელის გამოყენება;
· ხანგრძლივი მწეველობა;
· სპირტიანი სასმელების ჭარბი გამოყენება;
· ულტრაიისფერი სხივების ხანგრძლივი ზემოქმედება;
· სისხლის მიმოქცევის გამაძლიერებელი პრეპარატების ხანგრძლივად მიღება;
· სტრესული სიტუაციების გამო აწეული წნევა.
სიმპტომები
დაავადებისას სახეზე ჩნდება წვრილი სისხლძარღვები ვარსკვლავების ფორმით. ლოკალიზდებიან ცხვირის, ლოყების, ყვრიმალების არეში. მათი შეფერილობა შეიძლება იყოს მკრთალი წითელი ან მოლურჯო-წითელი.
დიაგნოსტიკა
დიაგნოსტიკას ატარებს კოსმეტოლოგი. მკურნალობის დასადგენად საჭიროა პაციენტის დათვალიერება. რიგ შემთხვევებში ტარდება ჰისტოლოგიური ანალიზი.
მკრუნალობა
აუცილებელი მკურნალობა მოიცავს:
· კანის რბილ, გამწმენდ საშუალებებს;
· მკვებავ, დამატენიანებელ საცხებს;
· თეთრი თიხის სამკურნალო ნიღბებს.
კუპეროზის მოცილება ხდება შემდეგი საშუალებებით:
· ელექტროკოაგულაცია;
· მიკროსკლეროთერაპია;
· მეზოთერაპია;
· ლაზერული თერაპია;
· ფოტოთერაპია;
· ოზონოთერაპია;
· ვიტამინოთერაპია;
· სამკურნალო პლასტიკური მასაჟი.
საშიშროება
კუპეროზმა შეიძლება გამოიწვიოს კანის ნაადრევი დაბერება, კანის ფერის გაუარესება.
რისკის ჯგუფი
ამ ჯგუფში შედიან:
· ღია ფერის კანის მქონე პირები;
· მგრძნობიარე კანის მქონე პირები;
· სუსტი სისხლძარღვების მქონე პირები.
პროფილაქტიკა
რეკომენდირებულია:
· მხოლოდ თბილი წყლით დაბანა;
· მზისდამცავი საშუალებების გამოყენება;
· კანის მოვლის საშუალებებში სპირტის არსებობის გამორიცხვა;
· კანის მოვლის უხეში საშუალებების გამოყენებაზე უარის თქმა;
· ტემპერატურის მკვეთრი ცვლილებებისთვის თავის არიდება.
