ფილტვის ფიბროზი

ფილტვის ფიბროზი – დაავდება, რომელსაც ახასიათებს ფილტვის ბოჭკოვანი დამაკავშირებელი ქსოვილის გადიდება.
 
მიზეზები
დაავადების გამომწვევი მიზეზებია:
·         მემკვიდრეობითი ფაქტორი;
·         ფილტვის დაავადებების გართულება;
·         მინერალების ან ორგანული ნივთიერებების ხანგრძლივად შესუნთქვა;
·         ქიმიური ნივთიერებებით ინტოქსიკაცია;
·         გულმკერდის არეში რადიოაქტიური დასხივება;
·         შაქრიანი დიაბეტის, რევმატოიდული ართრიტის გართულება;
·         მოწევა;
·         დაბინძურებულ გარემოში, სამრეწველო უბანში ცხოვრება.
იდიოპათიური ფილტვის ფიბროზი – წარმოადგენს ფილტვის ფიბროზის ნაირსახეობას, რომლის გამომწვევი მიზეზების დადგენა შეუძლებელია.
 
სიმპტომები
დაავადებას ახასიათებს შემდეგი სახის სიმპტომები:
·         ფიზიკური დატვირთვის შემდეგ ხუთვა;
·         მშრალი ხველის შეტევები;
·         გულმკერდის არეში განუწყვეტელი ტკივილი;
·         ხროტინი სუნთქვის დროს;
·         ციანოზი (ტუჩების და ფრჩხილების გალურჯება);
·         თითების ფალანგების ზომების გადიდება;
·         წონის დაკარგვა;
·         სწრაფი დაღლა.
მსგავსი სიმპტომები ახასიათებს ფილტვების სხვა დაავადებებსაც, ამიტომ მათი გამოვლენისთანავე საჭიროა ექიმთან მისვლა.
 
დიაგნოსტიკა
დიაგნოსტიკას ატარებს ექიმი-პულმონოლოგი. პაციენტს უტარდება:
·         სისხლის საერთო ანალიზი;
·         გულმკერდის რენტგენოგრაფია;
·         ფილტვების კომპიუტერული ტომოგრაფია;
·         ფილტვების მაგნიტო-რეზონანსული ტომოგრაფია;
·         ფილტვის ბიოპსია;
·         ფუნქციონალური სუნთქვის ტესტები.
 
მკურნალობა
აუცილებელი მკურნალობა მოიცავს:
·         დაავადებების მკურნალობა, რომლებმაც გამოიწვიეს ფილტვის ფიბროზი;
·         ციტოტსტატიკები;
·         გლუკოკორტიკოსტეროიდები;
·         ჟანგბადოთერაპია;
·         სუნთქვის ვარჯიშები.
დაავადების ხანგრძლივი და რთული განვითარებისას, როცა შედეგი არ აქვს კონსერვატიული მკურნალობის მეთოდს, ხდება ფილტვის გადანერგვა.
 
საშიშროება
დროული მკურნალობის არარსებობა ხდება შემდეგი გართულებების განვითარების მიზეზი, როგორიცაა:
·         ფილტვის ემფიზემა;
·         ფილტვში სისხლის მიმოქცევის დარღვევა;
·         გულის უკმარისობა;
·         ფილტვის ჰიპერტონია.
შესაძლოა ლეტალური შედგი.
 
რისკის ჯგუფი
ამ ჯგუფში შედიან:
·         მემკვიდრეობითი მიდრეკილების მქონე ადამიანები;
·         50 წელს ზემოთ ადამიანები;
·         სამრეწველო რაიონებში მაცხოვრებლები;
·         მწეველები;
·         ქიმიურ საწარმოებში მომუშავეები.
 
პროფილაქტიკა
რეკომენდირებულია
·         ფილტვის ფიბროზის გამომწვევი დაავადებების დროული მკურნალობა;
·         ტოქსიკურ ნივთიერებებთან მუშაობისას უსაფრთხოების ნორმების დაცვა;
·         სუნთქვის ვარჯიშები;
·         მოწევაზე უარის თქმა.

გიორგი ფხაკაძე

მედიცინის მეცნიერებათა დოქტორი (PhD), მედიცინის დოქტორი (MD), ჯანდაცვის მაგისტრი (MPH). საქართველოს საზოგადოებრივი ჯანდაცვის ინსტიტუტის (PHIG) თავმჯდომარე. არის ჯანდაცვის მსოფლიო ორგანიზაციის (WHO) ექსპერტი და Accreditation Canada-ს წარმომადგენელი საქართველოში. ეწევა აკადემიურ საქმიანობას დავით ტვილდიანის სამედიცინო უნივერსიტეტში. არის Georgian Medical Journal (GMJ)-ის დამფუძნებელი და მთავარი რედაქტორი. გამოქვეყნებული აქვს მრავალი სამეცნიერო ნაშრომი საერთაშორისო რეცენზირებად ჟურნალებში, არის სახელმძღვანელოებისა და პროფესიული გზამკვლევების ავტორი. გიორგი ფხაკაძე აქტიურად მონაწილეობს ასობით ეროვნულ და საერთაშორისო სამეცნიერო-პროფესიულ კონფერენციასა და სამუშაო ჯგუფში, 25 წელზე მეტი გამოცდილებით საზოგადოებრივი ჯანდაცვის, ხარისხის სტანდარტებისა და ჯანდაცვის პოლიტიკის სფეროში. #აქხარისხია #drpkhakadze #sheniambebi

  ანალური ნაპრალი

See Full Bio