გადაცემა “პირადი ექიმი”
სტუმარი: ოტორინოლარინგოლოგი, პროფესორი ლიკა ლომიძე
თემა: როდის არის აუცილებელი ოპერაცია და რატომ არ არის რეკომენდებული, 5 წლამდე ასაკში ამოიკვეთოს
ამის შესახებ ოტორინოლარინგოლოგი, პროფესორი ლიკა ლომიძე საუბრობს:
„ოპერაცია ადგილობრივი ანესთეზიით კეთდებოდა, ბავშვი არ ჩერდებოდა და ტონზილის მოშორებას სრულად ვერ ახერხებდნენ. ახლა ეს ზოგადი ანესთეზიით კეთდება, ძალიან იშვიათად ხდება, რომ ტონზილის ქსოვილი დარჩეს და შემდგომ გაიზარდოს.
ოპერაციისას ტონზილის ქსოვილი თუ დარჩა, ის აუცილებლად იზრდება. თუ არ დარჩა, არავითარ შემთხვევაში აღარ გაიზრდება.
ტონზილი აუცილებლად უნდა მოცილდეს მაშინ, როდესაც მისი ფუნქცია შემცირებული და დაკარგულია. 5 წლამდე ასაკში ტონზილებს ძალიან აქტიური ფუნქცია აქვს. 5 წელში იმუნური უჯრედები ვერ ასწრებს იმ დონეზე დაზიანებას, რომ მან ფუნქცია აღარ შეასრულოს. აუცილებელია, რომ ტონზილები 5 წლამდე შევინარჩუნოთ. 5 წლის შემდგომ, როდესაც წელიწადში 2-3-ჯერ და მეტჯერ ტონზილიტი ვითარდება, იმდენად გადაგვარებული და ფუნქციადაკარგულია ტონზილების უჯრედები, რომ ის პირიქით, ინტოქსიკაციას იწვევს და მავნე თვისებებს ავლენს. კვლევებით დადასტურებულია, რომ შემდგომ ასაკში იმუნურ სისტემაში ტონზილებს ძალიან მცირე ფუნქცია გააჩნია.
5 წლამდე ტონზილების მოშორება სასურველი არ არის, რადგან ტონზილები იმუნურ სისტემაში მონაწილეობენ და სასაში, პირის ღრუში პირველ კარიბჭეს წარმოადგენენ. ყველა ინფექციასთან, რომლებიც ადამიანის ორგანიზმში პირველადად ხვდება, პირველ რიგში, მასთან ბრძოლას საკუთარ თავზე ტონზილები იღებენ.
სასურველია, რომ ბაღის პერიოდში, როდესაც პატარას სხვადასხვა ინფექციასთან აქვს შეხება, ბავშვის ორგანიზმი საშუალებას თუ გვაძლევს, ტონზილები შევუნარჩუნოთ. თუმცა, ოპერაციას 3 წლის ასაკის ზემოთაც ვაკეთებთ, თუ მშობელი აღნიშნავს, რომ ბავშვს ყოველთვიურად ანტიბიოტიკოთერაპია სჭირდება. უჩივის დაღლილობას, საერთო სისუსტეს, რევმატულ ჩივილებს, კიბეებზე ასვლისას, მესამე სართულამდეც კი რამდენჯერმე უწევთ შესვენება, ხელში აყვანა უნდა…
