საქართველოს პარლამენტმა მიიღო გადაწყვეტილება სუროგაციის აკრძალვის შესახებ. ამ გადაწყვეტილების საფუძველია სუროგაციასთან დაკავშირებული ეთიკური და სამართლებრივი რისკები, როგორიცაა ადამიანებით ვაჭრობა და ქალების ექსპლუატაცია. მართალია, აკრძალვას შესაძლოა ეკონომიკური გავლენა ჰქონდეს, თუმცა ხელისუფლება მიიჩნევს, რომ ეს რისკები და ეთიკური პრობლემები უფრო მნიშვნელოვანია. ამ საკითხზე მუშაობა უკვე მიმდინარეობს და კანონპროექტი უახლოეს მომავალში წარედგინება პარლამენტს. მნიშვნელოვანია, რომ საზოგადოება კარგად იყოს ინფორმირებული ამ ცვლილებების შესახებ და გააზრებული გადაწყვეტილებები მიიღოს.
„ქართულმა ოცნებამ“ საქართველოში სუროგაციის აკრძალვის გადაწყვეტილება მიიღო. ინფორმაცია საპარლამენტო უმრავლესობის სხდომის შემდეგ გამართულ ბრიფინგზე ირაკლი კირცხალიამ გაავრცელა. საპარლამენტო უმრავლესობის ლიდერის თქმით, ამ საკითხზე მმართველ გუნდს აქტიური კომუნიკაცია აქვს საქართველოს საპატრიარქოსთან.
„მივიღეთ გადაწყვეტილება საქართველოში სუროგაციის აკრძალვის შესახებ. გადაწყვეტილების მთავარი საფუძველია სუროგაციასთან დაკავშირებული მნიშვნელოვანი ეთიკური და სამართლებრივი რისკები, განსაკუთრებით ადამიანებით ვაჭრობის, ქალების შესაძლო ექსპლუატაციისა და ბავშვთა უფლებების დაცვის მიმართულებით.
კარგად გვესმის, რომ სუროგაციის აკრძალვას შესაძლოა გარკვეული ეკონომიკური გავლენა ჰქონდეს, თუმცა მიგვაჩნია, რომ ეკონომიკური სარგებელი ვერ იქნება აღნიშნული რისკებისა და ეთიკური საკითხების საპირწონე“, – განაცხადა კირცხალიამ.
მისივე თქმით, შესაბამის კანონპროექტზე მუშაობა უკვე მიმდინარეობს და ის უახლოეს მომავალში წარედგინება პარლამენტს.
