ექიმი ლევან რატიანი აფრთხილებს, რომ ადამიანი უნიტაზზე არ უნდა იჯდეს ათ წუთზე მეტ ხანს. როდესაც ადამიანი ზის, განსაკუთრებით თუ სმარტფონს იყენებს, სხეულის ქვედა ნაწილზე მიმდინარეობს ზეწოლა, რაც სისხლის მიმოქცევას აფერხებს. ამ პროცესების შედეგად, შესაძლოა განვითარდეს ჰემოროიდული კვანძები და სხვა პრობლემები. ექიმი ურჩევს, რომ თუ უნიტაზზე ყოფნის დროს თავს არ კომფორტულად გრძნობთ, უმჯობესია ადგეთ და მცირე ხნით გაისეირნოთ. ასე თავიდან აირიდებთ შესაძლო ჯანმრთელობის პრობლემებს.
„ნამდვილ ექიმებში“ ანესთეზიოლოგ-რეანიმატოლოგი ლევან რატიანი საუბრობს, რატომ არ უნდა იჯდეს ადამიანი უნიტაზზე 10 წუთზე მეტ ხანს.
„როდესაც ადამიანი უნიტაზზე ზის, უჭირავს სმარტფონი და გადახრილია, სიმძიმის ძალა გადადის მუცლის ღრუზე, დუნდულებზე და ქვედა კიდურებზე. სისხლძარღვებზე და ნერვებზე ზეწოლა ხდება, იზღუდება სისხლის მიმოქცევა, ხანდახან ქვედა კიდურები ბუჟდება. სისხლი ქვემოთ ჩადის, ზემოთ ასვლა უჭირს. ამიტომ მუცლის ღრუში და სხეულის ქვედა ნაწილში, სისხლძარღვებში გროვდება სისხლი, წნევა მატულობს და ხელს უწყობს ჰემოროიდული კვანძის განვითარებას“, – განმარტავს ექიმი.
ვრცლად ↓
