შორენა ქართველიშვილი

დაიბადა 1971 წლის 21 სექტემბერს ქალაქ ქუთაისში. მან 1995 წელს წარჩინებით დაამთავრა თბილისის სახელმწიფო სამედიცინო უნივერსიტეტის პედიატრიული ფაკულტეტი, რის შემდეგაც მიენიჭა ექიმი-პედიატრის კვალიფიკაცია. მოგვიანებით გაიარა ინტერნატურა პედიატრიაში, სპეციალიზაციის კურსი ბავშვთა ნევროლოგიაში და რეზიდენტურა საოჯახო მედიცინაში. 2018 წელს მას მიენიჭა მედიცინის აკადემიური დოქტორის ხარისხი. შორენა ქართველიშვილს აქვს კლინიკური საქმიანობის 30-წლიანი წარმატებული გამოცდილება. სხვადასხვა პერიოდში იგი მუშაობდა ექიმ- პედიატრად და ნეონატოლოგად სამხედრო ჰოსპიტალსა და სასწრაფო დახმარების სამსახურში, ასევე ოჯახის ექიმად წამყვან კლინიკებსა და მრავალპროფილურ სამედიცინო ცენტრებში. 2009 წლიდან დღემდე, ის საქმიანობს მ. იაშვილის სახელობის ბავშვთა ცენტრალურ საავადმყოფოში, ხოლო 2018 წლიდან, პარალელურად მუშაობს თოდუას კლინიკაში ოჯახის ექიმისა და პედიატრის პოზიციაზე. 2015-2018 წლებში ასევე ხელმძღვანელობდა სამკურნალო-დიაგნოსტიკურ ცენტრ „გრანდმედს“ დირექტორის სტატუსით. კლინიკურ პრაქტიკასთან ერთად, იგი აქტიურად არის ჩართული პედაგოგიურ, სატრენინგო და სამეცნიერო საქმიანობაში. 2022 წლიდან არის თსსუ-ის მედიცინის დეპარტამენტის პედაგოგი, მონაწილეობს სპიკერად და ტრენერად უწყვეტი სამედიცინო განათლების პროგრამებში და არის 20-მდე სამეცნიერო პუბლიკაციის ავტორი და თანაავტორი. ფლობს არაერთ საერთაშორისო ლიცენზიასა და სერტიფიკატს სპირომეტრიის, ნუტრიციოლოგიისა და საზოგადოებრივი ჯანდაცვის მენეჯმენტის მიმართულებით.

რა არის კარგი ექიმი?
ექიმობა კომპლექსური მისიაა, რომელიც ადამიანების ჯანმრთელობის დაცვას, სიცოცხლის გადარჩენასა და იმედის დაბრუნებას ემსახურება. პროფესიონალ, გულმოდგინე ექიმს, უპირველეს ყოვლისა, უნდა ახასიათებდეს საქმისა და პაციენტის მიმართ უდიდესი სიყვარული, პასუხისმგებლობა, ემპათია, თავგანწირვა და ამოუწურავი მოთმინება.

რატომ აირჩიეთ მედიცინა?
ჩემი არჩევანი ბავშვობის კვალდაკვალ ჩამოყალიბდა: ბებიის მიერ შეკერილი პირველი თეთრი ხალათიდან და 6 წლის ასაკში პატარა ნათესავზე ზრუნვიდან, რამაც ექიმობის სურვილი გამიჩინა. მოგვიანებით გავიგე, რომ პედიატრობა დედაჩემის აუხდენელი ოცნებაც იყო, რაც ჩემთვის დამატებითი სტიმული გახდა. პროფესიული გზის საბოლოო და ყველაზე ემოციური დასტური კი ბაბუას სიცოცხლის ბოლო წუთები აღმოჩნდა: როდესაც გაიგო, რომ სამედიცინოს სტუდენტი გავხდი, სახეზე სიხარულის ცრემლითა და ღიმილით მშვიდად გარდაიცვალა. სწორედ ამ ადამიანებმა განსაზღვრეს ჩემი ცხოვრების მთავარი მისია.

ვინ არის თქვენი მისაბაძი?
ჩემთვის ექიმობის ფორმულა და იდეალი ბატონი ვანიკო ჩხაიძე, ქეთი ნემსაძე, გივი ჯავაშვილი და გურამ კიკნაძეა.

რჩევა მომავალ ექიმებს
მომავალ კოლეგებს ვეტყოდი, რომ ექიმობა დიდი ბედნიერებაა, თუ ის გააზრებული არჩევანია. თუმცა, ამისთვის მუდმივი მზადყოფნაა საჭირო, რადგან ეს პროფესია ხშირად ბევრ რამეზე უარის თქმასა და დათმობას მოითხოვს.

განათლება

დაამთავრა თბილისის სახელმწიფო სამედიცინო უნივერსიტეტის პედიატრიული ფაკულტეტი, რის შემდეგაც მიენიჭა ექიმი-პედიატრის კვალიფიკაცია. გაიარა ინტერნატურა პედიატრიაში, სპეციალიზაციის კურსი ბავშვთა ნევროლოგიაში და რეზიდენტურა საოჯახო მედიცინაში.

გამოცდილება

შორენა ქართველიშვილი დაიბადა 1971 წლის 21 სექტემბერს ქალაქ ქუთაისში. მან 1995 წელს წარჩინებით დაამთავრა თბილისის სახელმწიფო სამედიცინო უნივერსიტეტის პედიატრიული ფაკულტეტი, რის შემდეგაც მიენიჭა ექიმი-პედიატრის კვალიფიკაცია. მოგვიანებით გაიარა ინტერნატურა პედიატრიაში, სპეციალიზაციის კურსი ბავშვთა ნევროლოგიაში და რეზიდენტურა საოჯახო მედიცინაში. 2018 წელს მას მიენიჭა მედიცინის აკადემიური დოქტორის ხარისხი. შორენა ქართველიშვილს აქვს კლინიკური საქმიანობის 30-წლიანი წარმატებული გამოცდილება. სხვადასხვა პერიოდში იგი მუშაობდა ექიმ- პედიატრად და ნეონატოლოგად სამხედრო ჰოსპიტალსა და სასწრაფო დახმარების სამს

სამუშაო ადგილი

ნიუ ჰოსპიტალსი