ქეთევან ხვიჩია

ქეთევან გიორგის ასული ხვიჩია დაიბადა 1951 წლის 27 ივლისს ქალაქ ყვარელში. დედა, ეთერ ილიას ასული ხანიაშვილი, წარმოშობით ყვარლის რაიონის სოფელ ენისელიდან იყო და ყვარლის სანეპიდ სადგურში კვების ლაბორანტად მუშაობდა. მამა, გიორგი (ჟორა) სამსონის ძე ხვიჩია, დაიბადა ქალაქ სენაკში და მუშაობდა ქალაქ ყვარლის პროფდეზგანყოფილების გამგედ. ქეთევანმა 1969 წელს წარმატებით დაასრულა საშუალო სკოლა და იმავე წელს სწავლა განაგრძო თბილისის სახელმწიფო სამედიცინო ინსტიტუტის პედიატრიულ ფაკულტეტზე. უმაღლესი სასწავლებლის დასრულების შემდეგ, 1974–1975 წლებში გაიარა ინტერნატურა თბილისის ბავშვთა №5 კლინიკურ საავადმყოფოში, პროფესორ ი. რცხილაძისა და პროფესორ მ. გელოვანის კათედრაზე. აკადემიური მომზადების დასრულებისთანავე, ქეთევან ხვიჩია აქტიურად ჩაერთო პრაქტიკულ სამედიცინო საქმიანობაში. 1975 წლიდან 1995 წლამდე ის მუშაობდა ყვარლის პოლიკლინიკა-საავადმყოფოს გაერთიანებაში ექიმ-თერაპევტის პოზიციაზე. 1995 წლიდან დღემდე კი, იგი ერთგულად აგრძელებს პროფესიულ საქმიანობას ყვარლის პოლიკლინიკაში ოჯახის ექიმად. პროფესიული ზრდისა და თანამედროვე სტანდარტებთან შესაბამისობის მიზნით, ქეთევან ხვიჩიას გავლილი აქვს სხვადასხვა მნიშვნელოვანი კვალიფიკაცია: 2001 წელს გაიარა შინაგანი მედიცინის კვალიფიკაცია და მიიღო შესაბამისი სახელმწიფო სერტიფიკატი. 2024 წლიდან დღემდე, ქეთევან ხვიჩია არის საქართველოს რესპირაციული საზოგადოების წევრი, ის ესწრება ყველა საერთაშორისო კონგრესს და ასევე ემზადება შემდგომი კონგრესისთვის, რომელიც 2027 წელს ჩატარდება ბათუმში. 2008 წლის ივლისში წარმატებით დაასრულა საოჯახო მედიცინის კვალიფიკაციის ასამაღლებელი კურსები და მიიღო სახელმწიფო სერტიფიკატი სპეციალობით „საოჯახო მედიცინა“. ქეთევან ხვიჩია გახლავთ მოქმედი ექიმი, მუშაობს ყვარლის კლინიკაში ოჯახის ექიმად. მისთვის უმნიშვნელოვანესია პაციენტებთან ურთიერთობა და მათი ჯანმრთელობის მდგომარეობა.

რა არის კარგი ექიმი?
ცხოვრებაში ექიმობა უდიდესი ტვირთი და პასუხისმგებლობაა. ამისთვის ადამიანი უნდა იყოს ერთგული, მოსიყვარულე, ყურადღებიანი, განათლებული და კომუნიკაბელური.

რატომ აირჩიეთ მედიცინა?
ბაღიდან მოყოლებული, სულ „ექიმობანას“ ვთამაშობდი და ყოველთვის ექიმი ვიყავი. 7 წლის ასაკში, დედამ, ჩემი 2 თვის და ჩამაბარა და სამსახურიდან დაბრუნებამდე, გარკვეული საათები ვუვლიდი ჩემს პატარა დას, რაც კარგად გამომივიდა. მასზე ზრუნვა გახდა ჩემი მოტივაციის წყარო.

ვინ არის თქვენი მისაბაძი?
ჩემი იდეალები არიან: მერი გელოვანი, თამარ დეკანოსიძე, ივანე ჩხაიძე, თამაზ მაღლაკელიძე და ნანა ალექსიშვილი.

რჩევა მომავალ ექიმებს
ექიმობა მოდა არ არის, ექიმობა მოწოდება და თავდადებაა.

განათლება

დაასრულა საშუალო სკოლა და იმავე წელს სწავლა განაგრძო თბილისის სახელმწიფო სამედიცინო ინსტიტუტის პედიატრიულ ფაკულტეტზე. გაიარა ინტერნატურა თბილისის ბავშვთა №5 კლინიკურ საავადმყოფოში, პროფესორ ი. დაასრულა საოჯახო მედიცინის კვალიფიკაციის ასამაღლებელი კურსები და მიიღო სახელმწიფო სერტიფიკატი სპეციალობით „საოჯახო მედიცინა“.

სამუშაო ადგილი

აკადემიკოს ვახტანგ ბოჭორიშვილის კლინიკა