ნატო ცერცვაძე-მიქატაძე

ნატო დავითის ასული ცერცვაძე-მიქატაძე დაიბადა 1974 წლის 1 აგვისტოს ქალაქ თბილისში. 1992 წელს მან წარჩინებით დაამთავრა ზესტაფონის N 2 საშუალო სკოლა. უმაღლესი განათლების მისაღებად სწავლა თბილისის სახელმწიფო სამედიცინო ინსტიტუტში, პედიატრიის ფაკულტეტზე გააგრძელა, რომელიც 1999 წელს დაასრულა. მოგვიანებით, 2001-2004 წლებში, გაიარა დარგობრივი რეზიდენტურა თბილისის სახელმწიფო სამედიცინო აკადემიაში პედიატრიის სპეციალობით. ქალბატონმა ნატომ 2014-2015 წლებში თბილისის სახელმწიფო სამედიცინო უნივერსიტეტში საოჯახო მედიცინის მიმართულებით გაიარა სპეციალიზაცია, რის შედეგადაც ოჯახის ექიმის კვალიფიკაცია მოიპოვა. ნატო ცერცვაძე-მიქატაძეს სამედიცინო სფეროში მრავალწლიანი და მრავალმხრივი პროფესიული გამოცდილება აქვს. მისი საექიმო პრაქტიკა 1999 წელს პროფესორ გ. ჟვანიას სახელობის ბავშვთა მე-2 საავადმყოფოში ექიმ-პედიატრად დაიწყო, სადაც 2001 წლამდე იმუშავა. 2001 წლიდან 2004 წლამდე იგი საქმიანობას მ. იაშვილის სახელობის ბავშვთა ცენტრალურ საავადმყოფოში ექიმ-პედიატრის პოზიციაზე აგრძელებს. 2005-2008 წლებში მუშაობდა ექიმ-პედიატრად მეტყველებაში მძიმე ნაკლის მქონე ბავშვთა სპეციალურ სკოლაში, სადაც პარალელურად, 2006 წლიდან 2008 წლამდე, მედიკო-პედაგოგიური კომისიის თავმჯდომარის მოვალეობასაც ასრულებდა. 2007-2009 წლებში გახლდათ თბილისის გ. თავართქილაძის სასწავლო უნივერსიტეტის ოჯახის ექიმი, ხოლო 2009 წლიდან დღემდე საქართველოს საერთაშორისო უნივერსიტეტის ოჯახის ექიმად აგრძელებს ნაყოფიერ საქმიანობას. ნატო ცერცვაძე-მიქატაძეს ჰყავს მეუღლე — რევაზ მიქატაძე, რომელიც პროფესიით ბავშვთა ქირურგია. მათ ჰყავთ ორი შვილი: გიორგი მიქატაძე — პროფესიით კარდიოქირურგი და ლევან მიქატაძე.

რა არის კარგი ექიმი?
პროფესიული და ინტელექტუალური უნარების მაღალ დონეზე ფლობასთან ერთად, ექიმი უნდა გამოირჩეოდეს ძლიერი ნებელობით მაღალი ინტელექტუალური დონითა და პაციენტის მოსმენის უნიკალური უნარით.

რატომ აირჩიეთ მედიცინა?
მიუხედავად იმისა, რომ ბავშვობაში ძალიან ჯანმრთელი ვიყავი, ექიმებთან შეხება თითქმის არ მქონია და არც ოჯახში მყოლია ამ სფეროს წარმომადგენელი, ექიმად გახდომის სურვილი ბავშვობიდანვე ფეხდაფეხ დამყვებოდა.

ვინ არის თქვენი მისაბაძი?
არა, ერთი კონკრეტული იდეალი არ მყავს.

რჩევა მომავალ ექიმებს
მედიცინის სფეროში, პროფესიული კარიერის დაგეგმვის საწყის ეტაპზევე მათ უნდა გამოამჟღავნონ მოთმინება, ძლიერი ნებელობა, დიდი პიროვნული სიმტკიცე და მიზნის მისაღწევად უმძიმესი შრომისთვის მზაობა. სასურველია, ახალგაზრდებმა გაითავისონ, რომ მედიცინის სფეროში წარმატებული კარიერა მხოლოდ დაუღალავი შრომის, დიდი ძალისხმევისა და მიზანსწრაფულობის ხარჯზე მიიღწევა.

განათლება

დაამთავრა ზესტაფონის N 2 საშუალო სკოლა. დაასრულა. გაიარა დარგობრივი რეზიდენტურა თბილისის სახელმწიფო სამედიცინო აკადემიაში პედიატრიის სპეციალობით.