მარიამ დოღონაძე

დაიბადა 1959 წელს საგარეჯოს რაიონის სოფელ გომბორში. იქვე მიიღო პირველადი განათლება - 1976 წელს დაამთავრა გომბორის საშუალო სკოლა. მედიცინით დაინტერესებულმა მომავალმა ექიმმა სწავლა თბილისის სახელმწიფო სამედიცინო ინსტიტუტის პედიატრიულ ფაკულტეტზე განაგრძო, სადაც 1982-1988 წლებში სწავლობდა. უმაღლესი განათლების მიღების შემდეგ, 1988-1989 წლებში, მან ინტერნატურის კურსი საგარეჯოს ბავშვთა საავადმყოფოში გაიარა. მარიამ დოღონაძის პროფესიული საქმიანობა 1989 წლიდან იწყება, როდესაც მუშაობა დაიწყო საგარეჯოს რაიონის სოფელ უჯარმის ამბულატორიის გამგე-თერაპევტად. მოგვიანებით, კვალიფიკაციის ამაღლებისა და პროფესიული განვითარების მიზნით, 2006- 2007 წლებში მან გაიარა ოჯახის ექიმის გადამზადების სპეციალური კურსი. 2007 წლიდან დღემდე ერთგულად აგრძელებს მუშაობას. როგორც სოფლის ექიმი - დაუღალავად ზრუნავს ადგილობრივი მოსახლეობის ჯანმრთელობასა და კეთილდღეობაზე. ჰყავს - მეუღლე და ორი შვილი.

რა არის კარგი ექიმი?
მკურნალის ფენომენი, უპირველეს ყოვლისა, განსაკუთრებულ შრომისმოყვარეობასა და ღრმა ჰუმანიზმს ეფუძნება. ექიმობა არ არის მხოლოდ ხელობა; ეს არის უნარი, სხვისი ტკვილი საკუთარივით გაითავისო, თანაუგრძნო მას და ატარო ეს პასუხისმგებლობა.

რატომ აირჩიეთ მედიცინა?
ჩემს გადაწყვეტილებაზე უდიდესი გავლენა იქონია ბავშვობისდროინდელმა რეალობამ. მე გავიზარდე მაღალმთიან, ულამაზეს სოფელ გომბორში, სადაც მუდმივი ექიმის არარსებობა და სამედიცინო ხელმისაწვდომობის სიმცირე ჩვენი ყოველდღიურობის მწვავე პრობლემას წარმოადგენდა. სწორედ მშობლიური სოფლისა და იქაური ადამიანების ამ დიდმა საჭიროებამ გამიჩინა უმთავრესი სტიმული და შინაგანი პროტესტი - ამერჩია ექიმის პროფესია, რათა მოგვიანებით საკუთარი ცოდნითა და ენერგიით დავბრუნებოდი ჩემს კუთხეს და დავდგომოდი გვერდით მათ, ვისაც ეს ყველაზე მეტად სჭირდებოდა.

ვინ არის თქვენი მისაბაძი?
ჩემი უპირველესი პროფესიული იდეალი და შთაგონების წყარო ბავშვობიდანვე გახლდათ ბატონი რამაზ აბელაშვილი - ჩვენი სოფლის გამორჩეული მკურნალი.

რჩევა მომავალ ექიმებს
ჩემი უმთავრესი რჩევა და თხოვნა მომავალი კოლეგებისადმი იქნება ის, რომ საექიმო ხელოვნებას საფუძვლიანად, უდიდესი პასუხისმგებლობითა და სიღრმისეულად დაეუფლონ. მედიცინაში ზედაპირული ცოდნა არ არსებობს და არც შეიძლება არსებობდეს - ჩვენს პროფესიაში ყოველ წვრილმანს, თითოეულ ნიუანსს ადამიანის სიცოცხლის ფასი აქვს. ნამდვილი ექიმი არასოდეს კმაყოფილდება მიღწეულით და ყოველთვის მიილტვის სრულყოფილებისკენ.

განათლება

დაამთავრა გომბორის საშუალო სკოლა. სწავლობდა.

გამოცდილება

მარიამ დოღონაძე დაიბადა 1959 წელს საგარეჯოს რაიონის სოფელ გომბორში. იქვე მიიღო პირველადი განათლება - 1976 წელს დაამთავრა გომბორის საშუალო სკოლა. მედიცინით დაინტერესებულმა მომავალმა ექიმმა სწავლა თბილისის სახელმწიფო სამედიცინო ინსტიტუტის პედიატრიულ ფაკულტეტზე განაგრძო, სადაც 1982-1988 წლებში სწავლობდა. უმაღლესი განათლების მიღების შემდეგ, 1988-1989 წლებში, მან ინტერნატურის კურსი საგარეჯოს ბავშვთა საავადმყოფოში გაიარა. მარიამ დოღონაძის პროფესიული საქმიანობა 1989 წლიდან იწყება, როდესაც მუშაობა დაიწყო საგარეჯოს რაიონის სოფელ უჯარმის ამბულატორიის გამგე-თერაპევტად. მოგვიანებით, კვალიფიკაციის ამაღლები

სამუშაო ადგილი

ნიუ ჰოსპიტალსი