იოსებ დოლიაშვილი

იოსებ ზაქარიას ძე დოლიაშვილი დაიბადა 1955 წლის 15 მაისს თიანეთის რაიონის სოფელ ჟებოტაში. 1962–1972 წლებში იგი სწავლობდა სოფელ ჟებოტის 8 წლიან და მ. გელოვანის სახელობის თიანეთის საშუალო სკოლაში. სკოლის დასრულების შემდეგ, 1973–1979 წლებში, სწავლა გააგრძელა თბილისის სახელმწიფო სამედიცინო ინსტიტუტის სამკურნალო ფაკულტეტზე. თერაპიის სამეცნიერო-კვლევით ინსტიტუტში ინტერნატურის კურსის გავლის შემდეგ, მან 1980 წელს მუშაობა დაიწყო თიანეთის რაიონის სოფელ სიმონიანთხევის საუბნო საავადმყოფო-ამბულატორიის გამგე ექიმად. კვალიფიკაციის ამაღლების მიზნით, 1983–1985 წლებში იოსებ დოლიაშვილი სწავლობდა შ. წინამძღვრიშვილის სახელობის კარდიოლოგიის სამეცნიერო-კვლევითი ინსტიტუტის კლინიკურ ორდინატურაში. ამის შემდგომ, იგი სხვადასხვა პერიოდში აქტიურად საქმიანობდა თიანეთის რაიონულ საავადმყოფო- პოლიკლინიკურ გაერთიანებაში ექიმად, ხელმძღვანელობდა პოლიკლინიკურ განყოფილებას და მოგვიანებით ეკავა შპს „თიანეთის სამედიცინო ცენტრის“ დირექტორისა და სამედიცინო დახმარების სამსახურის მენეჯერის პოზიციები. ამჟამად, იოსებ დოლიაშვილი პროფესიულ საქმიანობას აგრძელებს და სოფლის ექიმად ერთგულად ემსახურება სოფელ ჟებოტისა და მიმდებარე ტერიტორიული ერთეულების მოსახლეობას.

რა არის კარგი ექიმი?
ნიჭთან და შრომისმოყვარეობასთან ერთად, ექიმს ყველაზე მეტად ადამიანების თანაგრძნობა, მოთმინება და თავისი საქმის უზომო სიყვარული სჭირდება.

რატომ აირჩიეთ მედიცინა?
ჩემმა დამ, რომელიც სამედიცინოზე სწავლობდა. მისმა მონდომებამ და ამ სფერომ მეც ძალიან დამაინტერესა და გადამაწყვეტინა ექიმი გავმხდარიყავი.

ვინ არის თქვენი მისაბაძი?
კონკრეტული იდეალი არ მყავს, თუმცა ჩემთვის მისაბაძია ყველა ის ექიმი, ვინც პროფესიონალია და პაციენტების მიმართ თბილია.

რჩევა მომავალ ექიმებს
მუდმივად ისწავლონ, იყვნენ პასუხისმგებლიანები და რაც მთავარია, გულით უყვარდეთ თავისი სამშობლო და პაციენტები.

განათლება

სწავლობდა სოფელ ჟებოტის 8 წლიან და მ. სწავლობდა შ. სწავლობდა.

სამუშაო ადგილი

ღია გული / მე-5 კლინიკური საავადმყოფო