თამარ გოგატიშვილი

დაიბადა 1982 წლის 13 დეკემბერს. მან უმაღლესი სამედიცინო განათლება 2000–2006 წლებში თბილისის სახელმწიფო სამედიცინო უნივერსიტეტში მიიღო. მოგვიანებით, 2007–2010 წლებში, მან პროფესიული ცოდნა გაიღრმავა თსსუ-ის დიპლომისშემდგომი სამედიცინო განათლებისა და უწყვეტი პროფესიული განვითარების ინსტიტუტის რეზიდენტურის კურსზე პედიატრიაში, რის საფუძველზეც 2011 წლის იანვარში მიიღო უვადო სახელმწიფო ლიცენზია სპეციალობით „პედიატრია“. 2022 წელს მან დამატებით გაიარა კურსი საოჯახო მედიცინის ეროვნულ ცენტრში და მიიღო ოჯახის ექიმის კვალიფიკაცია. 2011–2014 წლებში საქმიანობდა შპს „სასწრაფო სამედიცინო დახმარება პედიატრსა“ და შპს „ბავშვთა ახალ კლინიკაში“. 2014 წელს მუშაობდა მ. იაშვილის სახელობის ბავშვთა ცენტრალური საავადმყოფოს გადაუდებელი დახმარების, ობსერვაციისა და ტოქსიკოლოგიის დეპარტამენტში, რასაც მოჰყვა პედიატრის პოზიცია კლინიკაში „Kinder Care“ (2014–2015 წწ.) და ზ. შაქარაშვილის ბავშვთა ონკო-ჰემატოლოგიურ კლინიკა „ლაიფმედში“ (2015–2016 წწ.). 2016 წლიდან 2023 წლამდე თამარ გოგატიშვილი პედიატრად მუშაობდა ს.ს. „ევექსის ჰოსპიტლების“ ციციშვილის სახელობის კლინიკის პედიატრიულ განყოფილებაში, ხოლო 2023–2024 წლებში საქმიანობა „თბს დაზღვევაში“ განაგრძო. 2024 წლიდან დღემდე იგი არის „კლინიკა რეიმანის“ ექიმი- პედიატრი. კლინიკურ პრაქტიკასთან ერთად, თამარ გოგატიშვილი აქტიურად არის ჩართული სამეცნიერო საქმიანობაში. 2019–2022 წლებში მან მონაწილეობა მიიღო კლინიკურ კვლევებში. მას გავლილი აქვს ICH/ GCP ტრენინგები და ფლობს შესაბამის სერტიფიკატებს. ის არის ისეთი ავტორიტეტული პროფესიული ორგანიზაციების წევრი, როგორიცაა: ევროპის პედიატრიული ინფექციური დაავადებების საზოგადოება (ESPID), ევროპის რესპირაციული ასოციაცია (ERS), Excellence in Pediatrics community (EiP), საქართველოს რესპირაციული ასოციაცია (GRA) და საქართველოს ნეონატოლოგთა ასოციაცია.

რა არის კარგი ექიმი?
პროფესიონალი ექიმობა, პირველ რიგში, უსასრულო სწავლისთვის მზადყოფნას, საკუთარ თავზე მუდმივ მუშაობასა და უწყვეტ პროფესიულ განვითარებას გულისხმობს. ფრაზა ,,მე ეს უკვე ვიცი“ მედიცინაში აბსოლუტურად მიუღებელია.

რატომ აირჩიეთ მედიცინა?
ჩემს არჩევანში უდიდესი როლი ითამაშა ოჯახურმა გარემომ. ინსპირაციის მთავარი წყარო დედაა - პედიატრი.

ვინ არის თქვენი მისაბაძი?
სრული მიმბაძველობა მხოლოდ ერთი კონკრეტული პერსონის მიმართ არასდროს მქონია.

რჩევა მომავალ ექიმებს
არასდროს დაკმაყოფილდნენ პირველივე ეტაპზე მიღწეული წარმატებით.

გამოცდილება

თამარ გოგატიშვილი დაიბადა 1982 წლის 13 დეკემბერს. მან უმაღლესი სამედიცინო განათლება 2000–2006 წლებში თბილისის სახელმწიფო სამედიცინო უნივერსიტეტში მიიღო. მოგვიანებით, 2007–2010 წლებში, მან პროფესიული ცოდნა გაიღრმავა თსსუ-ის დიპლომისშემდგომი სამედიცინო განათლებისა და უწყვეტი პროფესიული განვითარების ინსტიტუტის რეზიდენტურის კურსზე პედიატრიაში, რის საფუძველზეც 2011 წლის იანვარში მიიღო უვადო სახელმწიფო ლიცენზია სპეციალობით „პედიატრია“. 2022 წელს მან დამატებით გაიარა კურსი საოჯახო მედიცინის ეროვნულ ცენტრში და მიიღო ოჯახის ექიმის კვალიფიკაცია. 2011–2014 წლებში საქმიანობდა შპს „სასწრაფო სამედიცინო დახმ

სამუშაო ადგილი

გოთუას სამედიცინო ცენტრი