დარინე მაჭავარიანი

დაიბადა 1987 წლის 17 აპრილს. 2004 წელს დაამთავრა ქალაქ გურჯაანის მეორე საშუალო სკოლა. იმავე წელს სწავლა გააგრძელა თბილისის სახელმწიფო სამედიცინო უნივერსიტეტში, მედიცინის ფაკულტეტზე, რომელიც წარმატებით დაასრულა 2010 წელს. 2012 წლის იანვარში ჩაირიცხა კიევში, შუპიკის სახელობის სამედიცინო აკადემიაში რეზიდენტურის კურსზე. რეზიდენტურის დასრულების შემდეგ, 2014 წელს მიიღო ექიმის ლიცენზია და მიენიჭა სპეციალიზაცია ნეფროლოგიის მიმართულებით. დარინე მაჭავარიანი 2014 წლიდან არის ლიცენზირებული ექიმი- ნეფროლოგი და ფლობს ამ სფეროში მუშაობის 12-წლიან გამოცდილებას. 2017 წლიდან იგი ემსახურება თელავის რეფერალური ჰოსპიტლის ჰემოდიალიზისა და ნეფროლოგიური მიმართულების განყოფილებას. ჰოსპიტალში, იგი 15 წლის ასაკიდან ზევით პაციენტებში უზრუნველყოფს თირკმლის პათოლოგიების სრულყოფილ დიაგნოსტირებასა და მართვას. მკურნალობის პროცესი მიმდინარეობს თანამედროვე საერთაშორისო გაიდლაინებისა და პროტოკოლების სრული დაცვით. დარინე მაჭავარიანი მუდმივად ზრუნავს პროფესიულ განვითარებაზე, ხშირად ესწრება საერთაშორისო კონფერენციებსა და პრაქტიკულ საქმიანობაში აქტიურად ნერგავს მკურნალობის თანამედროვე, ინოვაციურ მეთოდებს. „ადამიანის ჯანმრთელობაზე ზრუნვა, მათი სიცოცხლის გადარჩენა და პაციენტებისგან მიღებული გულწრფელი მადლიერება თუ ნდობა, ექიმისთვის ყველაზე დიდი გამარჯვება და ცხოვრების საუკეთესო არჩევანია.“

რა არის კარგი ექიმი?
მთავარია გულიანი და თბილი იყოს. პაციენტს მარტო წამალი კი არა, კარგი სიტყვაც ურჩენს გულს. გარდა ამისა, უნდა იყოს მობილიზებული, შრომისმოყვარე და არასდროს დაიზაროს ახლის სწავლა.

რატომ აირჩიეთ მედიცინა?
იმის გამო, რომ ადამიანების ტკივილი შემემსუბუქებინა და სიცოცხლე გადამერჩინა. როცა ხედავ, რომ შენი დახმარებით ადამიანი კარგად ხდება, ამაზე დიდი ბედნიერება არაფერია.

ვინ არის თქვენი მისაბაძი?
ჩემი იდეალი არის ნებისმიერი ექიმი, ვინც საქმეს გულით აკეთებს და პაციენტი საკუთარი ოჯახის წევრივით უყვარს. ასევე ჩემი პაციენტები, რომლებიც არ ნებდებიან და ამით მეც ძალას მაძლევენ.

რჩევა მომავალ ექიმებს
ვეტყოდი, რომ ხალხის სიყვარული არასდროს დაკარგონ. ეს ძალიან ძნელი გზაა, ბევრი სწავლა და უძილო ღამე სჭირდება, მაგრამ განკურნებული პაციენტის ღიმილი ყველაფერს ანაზღაურებს.

განათლება

დაამთავრა ქალაქ გურჯაანის მეორე საშუალო სკოლა. დაასრულა 2010 წელს. ჩაირიცხა კიევში, შუპიკის სახელობის სამედიცინო აკადემიაში რეზიდენტურის კურსზე.

გამოცდილება

დარინე მაჭავარიანი დაიბადა 1987 წლის 17 აპრილს. 2004 წელს დაამთავრა ქალაქ გურჯაანის მეორე საშუალო სკოლა. იმავე წელს სწავლა გააგრძელა თბილისის სახელმწიფო სამედიცინო უნივერსიტეტში, მედიცინის ფაკულტეტზე, რომელიც წარმატებით დაასრულა 2010 წელს. 2012 წლის იანვარში ჩაირიცხა კიევში, შუპიკის სახელობის სამედიცინო აკადემიაში რეზიდენტურის კურსზე. რეზიდენტურის დასრულების შემდეგ, 2014 წელს მიიღო ექიმის ლიცენზია და მიენიჭა სპეციალიზაცია ნეფროლოგიის მიმართულებით. დარინე მაჭავარიანი 2014 წლიდან არის ლიცენზირებული ექიმი- ნეფროლოგი და ფლობს ამ სფეროში მუშაობის 12-წლიან გამოცდილებას. 2017 წლიდან იგი ემსახურება თე

სამუშაო ადგილი

აკად. გ. ჩაფიძის სახელობის გადაუდებელი კარდიოლოგიის ცენტრი