ბესო შაკაია

ბესიკ შაკაია დაიბადა 1978 წელს. მან ბავშვობა აფხაზეთში გაატარა, თუმცა 1993 წელს, საომარი მოქმედებების გამო, იძულებული გახდა მშობლიური სახლი დაეტოვებინა. დევნილობაში გატარებულმა წლებმა და გადატანილმა ტრაგედიამ მასში სხვისი ტკივილის გაზიარებისა და დახმარების სურვილი გაუღრმავა, რაც შემდგომში მისი პროფესიული არჩევანის საფუძველიც გახდა. 1996 წელს ჩაირიცხა თბილისის სახელმწიფო სამედიცინო უნივერსიტეტში, რომელიც 2002 წელს წარჩინებით დაასრულა. მან გაიარა პროფესიული მომზადება: 2002–2003 წლებში – ინტერნატურა ეპიდემიოლოგიასა და ინფექციურ დაავადებებში, ხოლო 2003–2005 წლებში – რეზიდენტურა მეან-გინეკოლოგიაში. 2008 წელს გაიარა სამთვიანი სასწავლო პროგრამა ჯანდაცვის სერვისების მენეჯმენტში (დიდი ბრიტანეთის საერთაშორისო განვითარების დეპარტამენტის – DFID- ის მხარდაჭერით). ბესიკ შაკაიას მრავალწლიანი პრაქტიკული გამოცდილება უკავშირდება როგორც უკრაინას (ქ. ლუგანსკი), ისე საქართველოს. 2011 წლიდან იგი მუშაობს „ევექსის კლინიკებში“ (ზუგდიდის რეფერალური ჰოსპიტალი), სადაც 2016 წელს გინეკოლოგიური განყოფილების გამგის, ხოლო 2024 წლიდან სამეანო-ნეონატოლოგიისა და გინეკოლოგიის განყოფილების ხელმძღვანელის პოზიციებს იკავებს.

რა არის კარგი ექიმი?
პროფესიონალიზმთან ერთად აუცილებელი თვისებებია: ემპათია, გონიერება, კრიტიკული აზროვნება, მოთმინება და მუდმივი სწრაფვა განვითარებისკენ.

რატომ აირჩიეთ მედიცინა?
ინსპირაცია თავად სიცოცხლემ მომცა. სურვილი მქონდა მონაწილეობა მიმეღო სამყაროში ყველაზე ძვირფასი რამის -ადამიანის სიცოცხლის გადარჩენისა და ახალი სიცოცხლის მოვლინების პროცესში.

ვინ არის თქვენი მისაბაძი?
იდეალი შეიძლება იყოს როგორც მსოფლიო მედიცინის ისტორიიდან (მაგალითად, ჰიპოკრატე ან ლუი პასტერი), ისე საკუთარი მასწავლებელი, უფროსი კოლეგა ან თუნდაც მშობელი.

რჩევა მომავალ ექიმებს
არასოდეს დაკარგოთ ადამიანობის განცდა. მედიცინის სწავლა რთულია, თან სდევს უძილო ღამეები და სტრესი, თუმცა გახსოვდეთ, რომ თქვენი პროფესიონალიზმი, პაციენტის გადარჩენის მთავარი გარანტია.

განათლება

ჩაირიცხა თბილისის სახელმწიფო სამედიცინო უნივერსიტეტში, რომელიც 2002 წელს წარჩინებით დაასრულა. გაიარა პროფესიული მომზადება: 2002–2003 წლებში – ინტერნატურა ეპიდემიოლოგიასა და ინფექციურ დაავადებებში, ხოლო 2003–2005 წლებში – რეზიდენტურა მეან-გინეკოლოგიაში.

სამუშაო ადგილი

აკადემიკოს ვახტანგ ბოჭორიშვილის კლინიკა