განათლების ხარისხის განვითარების ეროვნული ცენტრის დირექტორის მოადგილემ ქეთევან კობახიძემ, მსოფლიო ჯანდაცვის ორგანიზაციის (WHO) წარმომადგენლებთან სამუშაო შეხვედრა გამართა.
შეხვედრის ფარგლებში მხარეებმა ისაუბრეს პროფესიული და უმაღლესი განათლების საფეხურებზე საექთნო განათლების ჰარმონიზაციის მნიშვნელობაზე და იმ გამოწვევებზე, რომლებიც საექთნო საქმის საგანმანათლებლო პროგრამების შემუშავებისა და განხორცილების პროცესში ვლინდება.
მსოფლიო ჯანდაცვის ორგანიზაციის ექსპერტებმა ხაზი გაუსვეს საექთნო განათლების მიმართულებით უმაღლესი განათლების დარგობრივი მახასიათებლებისა და პროფესიული განათლების სტანდარტების გადახედვის მნიშვნელობას და შესაბამისი რეკომენდაციების გაწევის გზით აქტიური თანამშრომლობის სურვილი გამოთქვეს.
შეხვედრას ესწრებოდნენ განათლების ხარისხის განვითარების ეროვნული ცენტრის უმაღლესი განათლების ხარისხის უზრუნველყოფის, პროფესიული განათლების ხარისხის უზრუნველყოფის, კვალიფიკაციების განვითრების და დაგეგმვის, კვლევისა და საერთაშორისო ურთიერთობების სამსახურების წარმომადგენლები.
ინფორმაციას განათლების ხარისხის განვითარების ეროვნული ცენტრი ავრცელებს.
