ჯანმრთელობის მსოფლიო ორგანიზაციის წარმომადგენლები, პარტნიორებთან ერთად სოფ. თაზაქენდს ეწვივნენ და ახალი სადგური მოინახულეს, რომლითაც შესაძლებელია ჰაერის ხარისხის მონიტორინგი – მაღალი სიზუსტის მონაცემების მიღება ატმოსფერული ჰაერის დაბინძურებისა და ამ დაბინძურების წყაროების შესახებ.
სადგური ევროკავშირის მიერ დაფინანსებული პროგრამის ფარგლებში მოეწყო, გაეროს განვითარების პროგრამის ხელმძღვანელობით და გარემოს ეროვნულ სააგენტოსთან თანამშრომლობით. პროგრამის მიზანია საქართველოში ჰაერის ხარისხის მონიტორინგისა და ანალიზისთვის აუცილებელი შესაძლებლობების გაძლიერება, განსაკუთრებული აქცენტით სამრეწველო ემისიების რეგულირებაზე.
༄ თანამედროვე ტექნოლოგია ზომავს ატმოსფერული ჰაერის მთავარი დამაბინძურებლების შემცველობას, რომელთა შორისაა მცირე ზომის მყარი ნაწილაკები (PM2.5), სატრანსპორტო საშუალებების გამონაბოლქვი (NO₂), ინდუსტრიული ემისიები (SO₂) და ნახშირბადის მონოქსიდი (CO), იგივე მხუთავი აირი, რომელიც წიაღისეული საწვავის არასრული წვის შედეგად წარმოიქმნება.
