„გ. ჩაფიძის სახელობის გულის ცენტრი” სოციალურ ქსელში საინტერესო ინფორმაციას ავრცელებს:
„ხვრინვა და ძილის დროს სუნთქვის შეჩერება – რა ემართება ამ დროს თქვენს ორგანიზმს?
ბევრი ფიქრობს, რომ ხვრინვა უბრალოდ ხმამაღალი ძილია. სინამდვილეში კი ეს შეიძლება იყოს სერიოზული სამედიცინო მდგომარეობის -ობსტრუქციული ძილის აპნოეს (OSA) ნიშანი!
რა ხდება ორგანიზმში?
ძილის დროს სუნთქვის შეჩერებისას სისხლში ჟანგბადის დონე ეცემა. ეს სტრესს აყენებს ყველა სასიცოცხლო ორგანოს. ასეთი სუნთქვის შეჩერება ღამის განმავლობაში შეიძლება ასჯერ, ორასჯერ – ან კიდევ უფრო მეტჯერ მოხდეს.
რა გავლენას ახდენს ძილის აპნოე ჯანმრთელობაზე?
გული და სისხლძარღვები:
არტერიული ჰიპერტენზია – ხშირ შემთხვევაში წამლებს ძნელად ექვემდებარება
გულის გადიდება (კარდიომეგალია)
გულის რითმის დარღვევა, მათ შორის მოციმციმე არითმე, პაროქსიზმული ტაქიკარდია
კორონარული გულის დაავადება; გულის იშემიური დაავადება
გულის უკმარისობა
მიოკარდიუმის ინფარქტის მაღალი რისკი, განსაკუთრებით ძილის დროს!
ტვინი და ნერვული სისტემა:
ქრონიკული თავის ტკივილი, განსაკუთრებით დილის საათებში
მეხსიერებისა და ყურადღების დარღვევა
დეპრესია და შფოთვა
ინსულტის რისკი, განსაკუთრებით ძილის დროს!
მეტაბოლიზმი და სხვა;
მეორე ტიპის შაქრიანი დიაბეტის რისკი
სიმსუქნე (ურთიერთდამოკიდებული კავშირი)
სქესობრივი ფუნქციის დარღვევა
იმუნური სისტემის დასუსტება
ქრონიკული დაღლილობა
როდის უნდა მიმართოთ სპეციალისტს?
თუ თქვენ ან თქვენს ახლობელს გაწუხებთ ქვემოთ ჩამოთვლილი სიმპტომები, დიაგნოსტიკა აუცილებელია:
თქვენ ან თქვენს ახლობელს აღენიშნება ხვრინვა და/ან სუნთქვის შეჩერება ძილის დროს,
ხშირი გაღვიძება ღამით;
სიმძიმისა და მოჭერის შეგრძნება გულის არეში; მოხრჩობის შეგრძნება;
დღის განმავლობაში მომატებული ძილიანობა ან დილაობით დაღლილობის შეგრძნება;
გაურკვეველი ეტიოლოგიის ბრადიკარდია;
გამტარებლობის დარღვევა (მათ შორის AV ბლოკადა); არითმია (მათ შორის მოციმციმე არითმია)
ჯანსაღი ძილი – თქვენი ჯანმრთელობაა”.
