თელავში 8 თვის ორსული გარდაიცვალა.
მეგობრების ინფორმაციით, 44 წლის ქალი სისხლძარღვებში წარმოქმნილი თრომბის შედეგად დაიღუპა. დაღუპული ქალი მაკა ასაბაშვილია
„ბოლო პერიოდში ჯანმრთელობის პრობლემები ჰქონდა და მკურნალობდა კიდეც, თუმცა თრომბი მაინც განვითარდა და დაიღუპა. როგორც ვიცი, სახლში იყო და შეტევა მაგ დროს განვითარდა“ – ამბობს ერთ-ერთი ახლობელი.
არსებული ინფორმაციით ქალი 8 თვის ორსული იყო და თელავის ერთ-ერთ კლინიკაში მკურნალობდა. გარდაცვლილის ახლობლებო ფიქრობენ, რომ მიზეზი სისხლძარღვებში წარმოქმნილი თრომბი გახდა, რადგან ქალი სწორედ ამ მიზეზით მკურნალობდა ის და ექიმის მეთვალყურეობის ქვეშ იმყოფებოდა.
შემთხვევის დროს სასწრაფო-სამედიცინო დახმარებაც გამოიძახეს, თუმცა ექიმებს ქალი და უკვე გარდაცვლილი დახვდათ. ასევე ნაყოფის გადარჩენაც ვერ მოხერხდა.
კლინიკაში, სადაც ორსული სამედიცინო აღრიცხვაზე იმყოფებოდა, ჯერჯერობით კომენტარი არ გაუკეთებიათ.
