„ნიუ ჰოსპიტალსის“ შინაგანი მედიცინის დეპარტამენტის ხელმძღვანელმა ნინო ქანთარიამ გადაცემა „ბიზნეს კვირეულში“, „ედვაიზერის“ რუბრიკაში, სადაზღვევო სფეროს პრობლემებზე ისაუბრა.
ნინო ქანთარიას განცხადებით, ექიმებისთვის დაზღვეული პაციენტი ერთდროულადაც ამარტივებს და აძნელებს სამუშაო პროცესს.
მისი თქმით, სტაციონარულ დონეზე პროცესი ხშირად რთულდება, რადგან სახელმწიფოს საყოველთაო დაზღვევა გარკვეულ დიაგნოზებს ფარავს, ხოლო როცა პაციენტს პარალელურად კერძო დაზღვევაც აქვს, იწყება რთული შეთანხმებები — რა ნაწილს დაფარავს სახელმწიფო, რა ნაწილს კერძო კომპანია, როგორ უნდა მოხდეს საბუთების გაგზავნა და სხვა ტექნიკური დეტალები. ქანთარიას შეფასებით, მიუხედავად ბიუროკრატიული სირთულეებისა, საბოლოო ჯამში პროცესები მაინც პაციენტის ინტერესზეა მორგებული.
როგორც ის განმარტავს, ამბულატორიულ სფეროში, დაზღვეული პაციენტი ექიმისთვის ორი მხრიდან აღიქმება — როგორც დადებითი, ისე არასასიამოვნო გარემოება.
„სტაციონარულ სერვისებთან დაკავშირებით არ არის მარტივად საქმე, იმიტომ რომ, ვიცით, რომ სახელმწიფოში მოქმედებს საყოველთაო დაზღვევა, რომელიც ასევე ანაზღაურებს გარკვეულ ნოზოლოგიებს. იმ შემთხვევაში, თუკი პაციენტს აქვს როგორც საყოველთაო, ასევე კერძო დაზღვევა, ზოგიერთ კატეგორიას, აქ იქმნება ხოლმე გარკვეული ბიუროკრატიული საკითხები. რა კომპონენტს დააფინანსებს საყოველთაო დაზღვევა, რა კომპონენტს დაფარავს კერძო დაზღვევა, დოკუმენტაცია სად, როდის, როგორ უნდა იყოს გადაგზავნილი… თუმცა, ამის რეგულაცია მეტ-ნაკლებად, მე ვფიქრობ, პაციენტის ინტერესიდან გამომდინარე, მაინც ხდება.
რაც შეეხება ამბულატორიულ სექტორს, აქ ექიმისთვის დაზღვეული პაციენტი არის გარკვეული კომფორტიც და დისკომფორტიც და შევეცდები, რომ განვმარტო, რა არის კომფორტი და რა არის დისკომფორტი.
მისი თქმით, პლუსი ისაა, რომ როცა პაციენტს სადაზღვევო დაფარვა აქვს, ექიმს შეუძლია უფრო თავისუფლად დანიშნოს საჭირო კვლევები და კონსულტაციები, რადგან ფინანსური ზეწოლა ნაკლებია. სამედიცინო მომსახურების ღირებულების ზრდის ფონზე ეს განსაკუთრებით მნიშვნელოვანია.
კომფორტი ის არის, რომ თუკი პაციენტს სჭირდება სხვადასხვა კვლევები, ექიმ-სპეციალისტთა კონსულტაციები, სერვისები, უფრო თავისუფალია ექიმი ამ არჩევანშიც და ფინანსური დანახარჯების თვალსაზრისით, იმიტომ, რომ მოგეხსენებათ, საქართველოში, ისევე როგორც მსოფლიოში, სამედიცინო მომსახურების ხარჯები ბოლო პერიოდში იზრდება და ეს ბუნებრივიც არის. ასე რომ, ექიმი გარკვეულ კომფორტს ხედავს იმაში, რომ პაციენტს აქვს დაზღვევა და საჭიროებების მიხედვით დაფარავს ყველა საჭირო კვლევას თუ კონსულტაციას.
თუმცა ექიმისთვის არსებობს გარკვეული უხერხულობაც: სადაზღვევო პაკეტებს აქვთ მკაცრი ჩამონათვალი, რა ინერგება და რა — არა. პაციენტი ხშირად ელოდება, რომ ნებისმიერი კვლევა ან პროცედურა დაფინანსდება მხოლოდ იმიტომ, რომ ის დაზღვეულია, მაგრამ რეალობაში ზოგიერთი მომსახურება გამორჩენილია. ქანთარიას თქმით, ეს აცდენა მოლოდინსა და რეალურ პირობებს შორის ექიმისთვის ერთ-ერთი ყველაზე რთული გამოწვევაა.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
